The news is by your side.

Advertisement

پاکستان ایران کے ساتھ تعلقات مزید مضبوط کرنے کا خواہاں ہے، وزیراعظم

تہران: وزیراعظم عمران خان نے کہا ہے کہ پاکستان ایران کے ساتھ تعلقات مزید مضبوط کرانے کا خواہاں ہے۔

تفصیلات کے مطابق وزیراعظم عمران خان نے کہا کہ پاکستان مشکل وقت میں ساتھ دینے پر ایران کا کردار فراموش نہیں کرسکتا، پاکستان ایران کے ساتھ تعلقات مزید مضبوط کرنے کا خواہاں ہے۔

وزیراعظم عمران خان نے کہا کہ پاکستان کو مدینہ جیسی فلاحی ریاست بنانے کے لیے اقدامات کررہے ہیں، ہمسایہ ممالک سے برادرانہ تعلقات ہماری خارجہ پالیسی کی بنیاد ہے۔

وزیراعظم عمران خان کے دورہ مشہد پر اعلامیہ جاری کردیا گیا ہے، مشہد پہنچنے پر خراسان کے گورنر جنرل نے استقبال کیا، مختصر قیام میں وزیراعظم نے حضرت امام رضا کے مزار پر حاضری دی۔

اعلامیہ کے مطابق وفاقی وزرا اور ایرانی حکام کا وفد بھی وزیراعظم کے ہمراہ تھا، وزیراعظم نے حضرت امام رضا کے مزار پر نوافل ادا کیے، انہوں نے ملک و قوم کی ترقی اور خوشحالی کے لیے دعا کی۔

مزید پڑھیں: وزیر اعظم عمران خان 2 روزہ دورے پر مشہد پہنچ گئے

وزیراعظم سے مزار کے متولی کی جانب سے مسلم امہ کے کردار پر بات چیت کی گئی، آیت اللہ نے کہا کہ حضور اکرم کی تعلیمات پر عمل پیرا ہونا ہی مسلم امہ کے اتحاد کا ذریعہ ہے۔

عمران خان نے خراسان کے گورنر جنرل سے ملاقات کی جس میں دو طرفہ تعلقات پر گفتگو کی گئی، مختلف شعبوں میں دو طرفہ تعلقات کو مزید وسعت دینے پر اتفاق کیا گیا۔

اعلامیہ کے مطابق عمران خان مختصر قیام کے بعد مشہد سے تہران روانہ ہوئے، وزیراعظم عمران خان کل صبح ایرانی قیادت سے ملاقاتیں کریں گے، تہران میں وزیر برائے شاہرات و شہری ترقی محمد اسلامی وزیراعظم کا استقبال کریں گے۔

Comments

comments

یہ بھی پڑھیں