جدہ: وزیراعظم عمران خان روضہ رسول ﷺ پر حاضری دینے اور مسجد نبوی ﷺ میں نماز ادا کرنے کے بعد جدہ پہنچ گئے۔
اے آر وائی نیوز کے مطابق وزیراعظم عمران خان وفد کے ہمراہ مدینہ منورہ سے جدہ پہنچے جہاں اُن کا استقبال مکہ کےنائب گورنر شہزادہ بدربن سلطان السعود نے کیا۔
وزیراعظم عمران خان جدہ ایئرپورٹ سے عمرہ ادائیگی کیلئے روانہ ہوں گے اور اب سے کچھ دیر بعد عمرے کی سعادت حاصل کریں گے۔
وزیراعظم عمران خان کیلئے خانہ کعبہ کا دروازہ خصوصی طور پر کھولاجائےگا۔
Prime Minister Imran Khan arrived at Madinah Munawara along with the delegation.
The Prime Minister was received by Prince Saud bin Khalid Al-Faisal, Deputy Governor of Madinah.
Prime Minister then proceeded for Ziarat at Masjid Al Nabawi#Pakistan pic.twitter.com/po2SICn71D
— Pakistan Consulate General Jeddah (@PakinJeddah) October 23, 2021
وزیراعظم عمران خان آج رات مکہ مکرمہ میں قیام کریں گے اور پھر کل دوپہر کو جدہ سے ریاض روانہ پہنچیں گے۔
مزید پڑھیں: عمران خان نے مدینہ منورہ کی سرزمین پر جوتے اتار کر قدم رکھے
یاد رہے کہ سعودی ولی عہد محمد بن سلمان کی دعوت پر وزیراعظم عمران خان تین روزہ سرکاری دورے پر سعودی عرب پہنچے، اب سے کچھ دیر قبل انہوں نے روضہ رسول ﷺ پر حاضری دی اور نوافل ادا کر کے ملک کی ترقی ، خوش حالی کے لیے دعائیں کیں۔
Prime Minister @ImranKhanPTI‘s arrival at King Abdulaziz International Airport, Jeddah. pic.twitter.com/7x83X0BwiY
— Prime Minister’s Office, Pakistan (@PakPMO) October 23, 2021
مدینہ پہنچنے پر مدینہ کے نائب گورنر شہزادہ سعود بن خالد الفیصل نے وزیر اعظم اور ان کے وفد کا استقبال کیا تھا۔ وزیراعظم نے آج بھی احترام میں مدینہ منورہ کی سرزمین پر جوتے اتار قدم رکھا۔
وزیراعظم کے وفد میں وزیرخارجہ شاہ محمود قریشی، وزیر توانائی حماد اظہر اور معاون خصوصی برائے ماحولیاتی تبدیلی ملک امین اسلم جبکہ خاتونِ اول بھی شامل ہیں۔
Prime Minister @ImranKhanPTI had a meeting with Deputy Governor Makkah region Prince Badar bin Sultan Al Saud at Royal Terminal of King Abdulaziz International Airport, Jeddah pic.twitter.com/BHOtAM2dTA
— Prime Minister’s Office, Pakistan (@PakPMO) October 23, 2021
وزرات خارجہ سے جاری اعلامیے میں بتایا گیا ہے کہ وزیراعظم 23 اکتوبر سے 25 اکتوبر کے دورے کے دوران ریاض میں ہونے والی ’مڈل ایسٹ گرین اینی شیئٹیو‘ سربراہی کانفرنس میں شرکت کریں گے۔
