امریکا سےعزت واحترام پرمبنی تعلقات چاہتے ہیں: وزیراعظم عمران خان -
The news is by your side.

Advertisement

امریکا سےعزت واحترام پرمبنی تعلقات چاہتے ہیں: وزیراعظم عمران خان

اسلام آباد: وزیراعظم عمران خان سے امریکی وزیرخارجہ نے ملاقات کی، جس میں دہشت گردی کے خلاف جنگ میں تعاون بڑھانے پر تبادلہ خیال ہوا۔

تفصیلات کے مطابق آج وزیر اعظم آفس میں عمران خان اور مائیک پومپیو کی ملاقات ہوئی، ملاقات میں آرمی چیف جنرل قمر جاوید باجوہ اور وزیر خارجہ شاہ محمود قریشی بھی موجود تھے۔

ملاقات میں دونوں رہنماؤں کاباہمی اعتماد اور تعلقات بہتر کرنے پر اتفاق ہوا۔ 

امریکی وزیرخارجہ کی عمران خان کووزارت عظمیٰ کامنصب سنبھالنے پرمبارک باد دی اور کہا کہ پاکستان سے اچھے اور مستحکم تعلقات کےخواہاں ہیں۔ 

اس موقع پر عمران خان نے کہا کہ پاکستان امریکاسے مل کر قیام امن کے لئےکردارادا کرتا رہےگا، پاکستان نے دہشت گردی کے خلاف جنگ میں بے پناہ قربانیاں دیں۔ امریکا سےعزت واحترام پرمبنی تعلقات چاہتے ہیں۔

وزیراعظم نے کہا کہ عالمی برادری پاکستان کی قربانیاں تسلیم کرے، افغانستان میں قیام امن کے لئے پاکستان کردار ادا کرتا رہے گا۔

US Secretary of State Mike Pompeo calls on Prime Minister Imran Khan at Islamabad. Chief of Army Staff General Qamar Javed Bajwa, Foreign Minister Shah Mehmood Qureshi and others are also present in the meeting.

Posted by Pakistan Tehreek-e-Insaf on Wednesday, September 5, 2018

اس سے قبل امریکی وزیر خارجہ مائیک پومپیو کی قیادت میں امریکی وفد دفتر خارجہ پہنچا تھا جہاں شاہ محمود قریشی نے ان کا استقبال کیا۔

دونوں ممالک کے وفود کے درمیان مذاکرات 40 منٹ تک جاری رہے۔ ترجمان دفتر خارجہ کے مطابق پاکستان نے امریکی وفد پر واضح کیا کہ دونوں ممالک کے تعلقات ایک بار پھر بھروسے اور احترام کی بنیادوں پر استوار کرنے کی ضرورت ہے۔

دونوں وفود کے درمیان ہونے والے ان مذاکرات میں پاکستان اور امریکا کے تعلقات پر بھی گفتگو ہوئی اور طرفین کی جانب سے پاک امریکا دو طرفہ تعلقات میں بہتری کے مواقع پر تبادلہ خیال کیا گیا۔

خیال رہے کہ امریکا کے وزیر خارجہ مائیک پومپیو آج ایک روزہ دورے پر اسلامی جمہوریہ پاکستان پہنچے ہیں۔ وزیر خارجہ کے ساتھ امریکا کی مسلح افواج کے چیف آف اسٹاف جنرل جوزف ڈنفرڈ بھی ہیں۔

وزیر خارجہ مائیک پومپیو کا طیارہ نور خان ایئر بیس پر اترا تو ان کا استقبال وزیر خارجہ کے بجائے دفتر خارجہ کے ایڈیشنل سیکریٹری شجاع عالم نے کیا۔

پومپیو دورہ مکمل کر کے آج ہی نئی دہلی روانہ ہوں گے۔

امریکی وزیر خارجہ مائیک پومپیو نے دورہ پاکستان سے قبل واشنگٹن میں میڈیا سے گفتگو کرتے ہوئے کہا کہ امید ہے پاک امریکا تعلقات میں نئی پیش رفت کا آغاز کریں گے۔

امریکی وزیر خارجہ نے میڈیا نمائندگان نے بات چیت کرتے ہوئے کہا کہ پاکستان افغانستان میں ثالثی کے لیے امریکا کے ساتھ تعاون کرے۔

Comments

comments

یہ بھی پڑھیں