اسلام آباد: وزیراعظم نوازشریف کی زیرصدرارت اعلیٰ سطح کا اجلاس میں شرپسندعناصرکے خلاف کارروائیاں تیز کرنےپر اتفاق کیاگیا.
تفصیلات کےمطابق وفاقی دارالحکومت اسلام آباد میں وزیراعظم نوازشریف کے زیر صدارت قومی ایکشن پلان سے متعلق اہم اجلاس ختم ہوگیا.وزیراعظم نوازشریف کی زیرصدارت اجلاس میں امن وامان خراب کرنے والوں کے خلاف سخت کارروائی کرنے کا فیصلہ کیاگیا.
اجلاس میں وزیرداخلہ چوہدری نثارعلی خان،وزیرخزانہ اسحاق ڈار سمیت ڈی جی آئی ایس پی آر اور مشیرقومی سلامتی لیفٹیننٹ جنرل ریٹائرڈناصرجنجوعہ نے شرکت کی.
ذرائع کا کہنا ہے کہ اجلاس میں کراچی میں جاری رینجرز آپریشن کی صورتحال اور کراچی سے متعلق آئندہ کی حکمت عملی کا بھی جائزہ لیا گیا.
*وزیراعظم کے زیر صدارت اجلاس میں سیکیورٹی سے متعلق اہم فیصلے
واضح رہےکہ گزشتہ ہفتے وزیراعظم میاں محمد نوازشریف کی زیرصدارت قومی ایکشن پلان کا جائزہ لینے کے لیے اعلیٰ سطحی اجلاس ہوا تھا.
اے آر وائی نیوز کی ڈیجیٹل ڈیسک کی جانب سے شائع کی گئی خبریں