The news is by your side.

اردن کے شاہ عبداللہ کی وزیر اعظم سے ملاقات، تعلقات کی مضبوطی پر زور

اسلام آباد: اردن کے شاہ عبداللہ دو روزہ  دورے پر پاکستان پہنچ گئے اس دوران انہوں نے وزیر اعظم شاہد خاقان عباسی سے ملاقات کی اور دو طرفہ تعلقات کی مضبوطی پر زور دیا۔

تفصیلات کے مطابق دونوں رہنماؤں کے درمیان وفود کی سطح پر بھی مذاکرات ہوئے جس میں دو طرفہ تعلقات میں اضافے کے لیے مختلف پہلوؤں کا جائزہ لیا جبکہ دونوں ملکوں کے درمیان تجارت اور سرمایہ کاری میں اضافے کی حکمت عملی  بھی زیر غور آئی۔

وزیرا عظم شاہد خاقان عباسی کی نوازشریف سے ملاقات

ملاقات کے دوران امریکا کے بیت المقدس سے متعلق فیصلے کے بعد کی صورت حال کا جائزہ لیا گیا، جبکہ وزیر اعظم شاہد خاقان عباسی نے معزز مہمان شاہ عبداللہ کو خطے میں امن وامان اور لائن آف کنٹرول کی صورت حال سے بھی آگاہ کیا۔

اس موقع پر وزیر اعظم کا کہنا تھا کہ پاکستان مقبوضہ بیت المقدس سے متعلق امریکی فیصلے کو مسترد کرتا ہے، ہم مسئلہ فلسطین کی غیر مشروط حمایت جاری رکھیں گے۔

وزیراعظم شاہدخاقان عباسی سےچینی نائب وزیرخارجہ کی ملاقات

اردن کے شاہ عبداللہ نے پاکستان کی جانب سے پرتپاک استقبال اور گارڈ آف آرنر پیش کرنے پر وزیر اعظم کا شکریہ ادا کیا، خیال رہے پاکستان اور اردن کے درمیان حالیہ تجارتی حجم 75 ملین ڈالر ہے۔

ملاقات کے حوالے سے تجزیہ کاروں کا کہنا ہے کہ شاہ عبداللہ کے دورہ پاکستان سے دونوں ممالک کو باہمی دلچسپی کے مختلف شعبوں میں دوطرفہ تعاون کو مزید مستحکم بنانے میں معاون ثابت ہوگا، خصوصا ملک میں تجارت و سرمایہ کاری میں اضافے کے امکانات بھی متوقع ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں