برطانوی وزیراعظم بورس جانسن نے کورونا سے نمٹنے اور ویکسی نیشن میں کردار ادا کرنے پر مسلمان کمیونٹی کی تعریف کی اور وبا سے خلاف جنگ میں مسلمانوں کی کاوشوں کو سراہا۔
برطانوی میڈیا کے مطابق وزیراعظم بورس جانسن نے یارکشائر کےعلاقے باٹلے کا دورہ کیا اور مسلمان کمیونٹی سے ملاقات کی۔بورس جانسن نےکوروناسےنمٹنےکیلئےمسلمان کیمونٹی کےکردار کو سراہا۔
اس موقع پر انہوں نے کہا کہ پروپیگنڈے کے باوجود لوگوں کی بڑی تعداد کورونا ویکسین لگوا رہی ہے، ملک میں 80 سال سے زائدعمر کے 97فیصد افراد کو ویکسین لگ چکی ہے۔
برطانوی وزیراعظم نے کہا کہ سب سے پہلے میں بہت خوش ہوں کہ ایک نیا ویکسین سینٹر بننے جا رہا ہے، میں نووایکس ٹرائلز میں حصہ لینے کے لئے بریڈ فورڈ اور اس علاقے کے لوگوں کا شکریہ ادا کرنا چاہتا ہوں کیونکہ ان کے بغیر اور ان کی رضاکارانہ کاوشوں کے بغیر ہم عوامی حوصلہ افزائی حاصل نہیں کر سکتے تھے۔
ان کا کہنا تھا کہ نوووایکس اور دیگر ویکسینز ملک کے لیے اس لحاظ سے حقیقی امید بن رہی ہیں کہ مستقبل میں کورونا کی نئی اقسام کے خلاف تحفظ فراہم ہوگا جو اس ملک کے لئے ناقابل یقین حد تک مفید ثابت ہوسکتے ہیں۔
