The news is by your side.

Advertisement

وزیراعظم شہبازشریف کی مزار قائد پر حاضری

کراچی : وزیراعظم شہبازشریف نے بانی پاکستان محمد علی جناح کے مزار پر حاضری دی، پھول چڑھائے اور فاتحہ خوانی کی۔

تفصیلات کے مطابق کراچی آمد کے بعد وزیراعظم شہبازشریف ہیلی کاپٹر پر مزارِ قائد پہنچے ، جہاں پاک فوج کے جوانوں نے وزیراعظم کو گارڈز آف آنر پیش کیا۔

شہبازشریف نے بانی پاکستان محمد علی جناح کے مزار پرحاضری دی، پھول چڑھائے اور فاتحہ پڑھی، بعد میں انہوں نے مزارقائد پرمہمانوں کی کتاب میں اپنے تاثرات درج کیے۔

مزارِ قائد پر حاضری کے موقع پر وزیراعظم شہباز شریف کے ساتھ وزیراعلیٰ اور دیگر رہنما بھی موجود تھے۔

یاد رہے وزیراعظم میاں شہباز شریف کے خصوصی طیارے نے پی اے ایف فیصل ایئربیس پر لینڈ کیا تو وزیراعلیٰ سندھ مراد علی شاہ سمیت پوری کابینہ نے وزیراعظم شہبازشریف کا استقبال کیا۔

شہبازشریف کے ساتھ اتحادی جماعتوں کے رہنما بھی کراچی پہنچے، اتحادی جماعتوں اور مسلم لیگ کے رہنما بھی ایئربیس پرموجود تھے،

رہنماوں میں خالدمقبول صدیقی، اکرم درانی، شاہدخاقان عباسی، مریم اورنگزیب، احسن اقبال اور اسعد محمود شامل تھے۔

Comments

یہ بھی پڑھیں