The news is by your side.

وزیر اعظم  شہباز شریف 2 روزہ سرکاری دورے پر چین جائیں گے

ترجمان دفتر خارجہ نے کہا ہے کہ وزیر اعظم  شہباز شریف چینی قیادت کی دعوت پر چین کا 2 روزہ سرکاری دورہ کریں گے۔

تفصیلات کے مطابق ترجمان دفتر خارجہ نے بتایا کہ وزیر اعظم یکم نومبر کو اعلیٰ سطح وفد کے ہمراہ چین جائیں گے، وفد میں وزیر خارجہ بلاول بھٹو بھی شامل ہونگے۔

ترجمان دفتر خارجہ کا کہنا ہے کہ وزیراعظم شہباز شریف چینی صدر سے ملاقات کریں گے، جہاں دونوں ملکوں کے درمیان اعلیٰ سطح پر مذاکرات ہونگے۔

ترجمان دفتر خارجہ کا مزید کہنا ہے کہ ملاقات میں خطے کی صورتحال اور عالمی ترقی سےمتعلق بات چیت ہوگی، وزیراعظم کے دورہ کے دوران اہم ایم او یوز پر دستخط ہونگے۔

Comments

یہ بھی پڑھیں