اسلام آباد: وزیراعظم عمران خان نےآٹےکی مبینہ افغانستان اسمگلنگ اور پنجاب سےترسیل رکنےکانوٹس لیتے ہوئے دونوں صوبوں کی اعلیٰ قیادت کو طلب کرلیا۔
تفصیلات کے مطابق وزیراعظم عمران خان نے خیبرپختونخوا میں آٹے کے ممکنہ بحران سے نمٹنے کے لیے فوری اقدام کیا ہے۔ وزیراعظم نےخیبرپختونخوا اورپنجاب کی صوبائی قیادت کا ہنگامی اجلاس آج بلالیا ہے۔
اجلاس میں وزیراطلاعات کےپی شوکت یوسفزئی سمیت دیگرحکام اجلاس میں شریک ہوں گے۔خیبرپختونخوا حکومت کا کہنا ہے کہ افغانستان کومیدہ اور سوجی کےپرمٹ پرآٹےکی اسمگلنگ کاخدشہ ہے جب کہ پنجاب بارڈرپر10سےزائدمانیٹرنگ پوائنٹ سےمسائل پیدا ہوسکتے ہیں۔
صوبائی حکومت کا کہنا ہے کہ حکومت کےپاس آٹے کا اسٹاک موجود ہے اور بحرانی کیفیت سےنمٹنےکیلئےاسٹاک سےآٹا نکال لیاہے۔
واضح رہے کہ صوبائی وزیرشوکت یوسفزئی نےآٹےکی مبینہ افغانستان اسمگلنگ اور پنجاب سےترسیل رکنےمعاملہ پارٹی ترجمانوں کےاجلاس میں اٹھایاتھا جس پروزیراعظم نے نوٹس لیتے ہوئے آج ہنگامی اجلاس طلب کرلیا ہے۔