وزیراعظم شہبازشریف نے کہا ہے کہ پرائم منسٹر ہاؤس کو پاکستان ہاؤس بنائیں گے جہاں صوبوں کے افسران موجود ہوں گے اور اس کشتی کو پار لگائیں گے۔
اتحادی جماعتوں کے قائدین اور ارکان اسمبلی کے اعزاز میں دیے گئے افطار ڈنر سے خطاب کرتے ہوئے وزیراعظم نے کہا کہ قومی مفادات کے تمام اہم امور میں مشاورت سے آگے بڑھیں گے عوام کی فلاح کے لئے تمام اقدامات اٹھائیں گے۔
وزیراعظم نے کہا کہ وفاقی کابینہ جلد حلف اٹھائے گی کابینہ کا اعلان دومرحلوں میں ہو گا پہلے مرحلےکا جلد دوسرے کا چند دن میں ہوگا۔
رمضان میں ہر سال آٹا سستا ملتا تھا لیکن اس دفع کسی کو پرواہ تک بھی نہیں۔ 50 اور 21 روپے فی لیٹر والی سمری میں نے مسترد کر دی ہے، مہنگائی کا پہاڑ اگر گرتا عوام نے ہمیں بددعائیں دینا شروع ہوجانا تھا۔@CMShehbaz pic.twitter.com/hA9AHnR07U
— PMLN (@pmln_org) April 15, 2022
انہوں نے کہا کہ حکومت نے پٹرولیم مصنوعات کی قیمتیں برقرار رکھنے کا فیصلہ کیا ہے پٹرولیم مصنوعات کی قیمتیں برقرار رکھنے کا فیصلہ مفاد عامہ کیلئے کیا گیا پہلے سے مسائل کے شکار عوام پر مزید بوجھ نہیں ڈال سکتے حکومت پٹرولیم مصنوعات کی قیمتیں برقرار رکھ کر بوجھ خود برداشت کرے گی ہماری تمام تر توانائیاں عوامی خوشحالی اور پاکستان کی تعمیر پر خرچ ہوں گی۔
ان کا کہنا تھا کہ اسپیکر قومی اسمبلی، وزیراعظم آزادکشمیر کے استعفےکی سمری صدر کو بھیج دی حکومت عوام کی فلاح اورخوشحالی کاکام کرتی رہےگی۔
