وزیراعظم شہباز شریف نے مفتاح اسماعیل کو خراج تحسین پیش کرتے ہوئے کہا ہے کہ میں ان کی بطور وزیر خزانہ عوامی خدمات کو سراہتا ہوں۔
وزیراعظم شہباز شریف نے سماجی رابطوں کی ویب سائٹ ٹوئٹر پر اس حوالے سے اپنے ایک ٹوئٹ میں لکھا کہ میں ڈاکٹر مفتاح اسماعیل کی بطور وزیر خزانہ عوامی خدمات کو سراہتا ہوں، انہوں نے معاشی بحران کےدوران مشکل ترین کام کو اپنایا۔
شہباز شریف نے مزید کہا کہ مفتاح اسماعیل نے آئی ایم ایف پروگرام کے ساتھ کامیابی سے بات چیت کی اور پاکستان کو ڈیفالٹ سے بچانے کی کوشش کی۔
professionalism & commitment with which he served the nation during these difficult times.
— Shehbaz Sharif (@CMShehbaz) September 28, 2022
وزیراعظم نے کہا کہ مفتاح اسماعیل نے مشکل وقت میں قوم کی خدمت کی، میں ان کی پیشہ ورانہ مہارت اورعزم کا سب سے زیادہ احترام کرتا ہوں۔
واضح رہے کہ آج ن لیگی سینیٹر اسحاق ڈار نے وزیر خزانہ کا حلف اٹھا لیا ہے۔
یہ بھی پڑھیں: اسحاق ڈار نے وزیر خزانہ کا حلف اٹھا لیا
اسحاق ڈار کی تقریب حلف برداری ایوان صدر میں ہوئی، صدر مملکت ڈاکٹر عارف علوی نے ان سے حلف لیا، تقریب میں وزیراعظم شہباز شریف، وفاقی وزرا سمیت دیگر نے شرکت کی۔