لندن : برطانیہ کے ونڈ سر کیسل میں شہزادہ ہیری اور ان کی اہلیہ میگھن مرکل کی شادی کے بیش قیمتی ملبوسات نمائش کے لیے پیش کر دئیے گئے۔
غیر ملکی خبر رساں ادارے کا کہنا تھا کہ برطانیہ کی ملکہ الزبتھ 2 کے چھوٹے پوتے شہزادہ ہیری اور ان کی اہلیہ امریکی اداکارہ میگھن مرکل کی ملبوسات جو انہوں نے شادی کے روز زیب تن کیے نمائش کے لیے پیش کردئیے گئے ہیں۔
برطانوی خبر رساں ادارے کا کہنا تھا کہ پرنس ہیری اور امریکی اداکارہ میگھن مرکل کی شادی کے ملبوسات کی نمائش برطانیہ کے ونڈسر کیسل میں لگائی گئی ہے جو 6 جنوری تک جاری رہے گی۔
مقامی میڈیا کا کہنا ہے کہ اے رائل ویڈنگ نمائش میں برطانوی شاہی خاندان کی چھوٹی بہو میگھن مرکل کی شادی کا دلکش و نظیر سفید گاؤن اور ستارے کی مانند چمکتا تاج شہریوں کے سامنے پیش کردیا گیا ہے۔
غیر ملکی میڈیا کا کہنا ہے کہ ونڈسر محل میں کانچ سے بنے خوبصورت باکس میں شاہی جوڑے کے قیمتی ملبوسات رکھے گئے جو دیکھنے والوں کے دلوں کو خوب لبہا رہے ہیں۔
برطانوی خبر رساں ادارے کا کہنا ہے کہ اے رائل نمائش کے دوران میگھن مرکل اور شہزادی ہیری کی شادی میں پہنے گئے شہزادہ ولیم کے بیٹے پرنس جارج اور ننھی شہزادی شارلیٹ کے ملبوسات بھی خاص توجہ مرکز بنے ہوئے ہیں۔
