لندن : برطانیہ میں شہزادے ہیری اور اہلیہ میگھن مرکل کے شاہی خاندان سے علیحدگی کے فیصلہ کو میڈیا نے میگزٹ کا نام دے دیا گیا جبکہ جوڑے کی مقبولیت میں اضافہ ہوا اور انسٹاگرام پر 5 لاکھ فالوورز بڑھ گئے۔
تفصیلات کے مطاق ملکہ برطانیہ کی زیرِ صدارت سینڈرنگھم چرچ میں اہم اجلاس میگزٹ سمٹ قرار دے دیا گیا ، جس میں شہزادے ہیری سے تفصیلی گفتگو ہوئی جبکہ کینیڈا میں میگھن مرکل سے بھی ٹیلی فون پر بات چیت کی گئی۔
برطانیہ میں شہزاہ ہیری اور ان کی اہلیہ میگھن مارکل کی شاہی خاندان سے علیحدگی کی خبر نے ایران کے بحران اور بریگزٹ کی خبروں کو پیچھے چھوڑ دیا۔
شاہی رکنیت چھوڑنے کے اعلان کے چار روز بعد جوڑے کی مقبولیت میں اضافہ ہوا اور انسٹاگرام پر پانچ لاکھ فالوورز بڑھ گئے۔
یاد رہے چند روز قبل برطانوی شہزادے ہیری اور اُن کی اہلیہ میگھن مرکل نے شاہی خاندان سے علیحدگی اور معاشی طور پر خود مختاری کا فیصلہ کرتے ہوئے شمالی امریکا منتقل ہونے کا عندیہ دیا تھا۔
مزید پڑھیں : شہزادہ ہیری ملازمت مانگنے لگے
شاہی جوڑے نے اپنے بیان میں کہا تھا کہ وہ شاہی پروٹوکول کو چھوڑ کر عام انسانوں کی طرح زندگی بسر کرنا چاہتے ہیں اور اب وہ مستقبل میں اپنے فلاحی و دیگر کاموں پر توجہ دیں گے۔
بعد ازاں ملکہ برطانیہ نے پرنس ہیری اور میگھن مارکل کی شاہی خاندان سے علیحدگی پر افسوس کا اظہار کرتے ہوئے معاملے کا حل نکالنے کی ہدایت کی تھی اور کہا تھا دونوں کو واپسی پر رضا مند کریں۔
