The news is by your side.

Advertisement

برطانوی شہزادے کی مسلمانوں کے ساتھ افطاری

سنگا پور : برطانوی شہزادہ ہیری نے مسلمانوں کے ساتھ کھجور سے روزہ افطار کیا ۔

غیر ملکی خبر رساں ایجنسی کے مطابق برطانوی شہزادہ ہیری دو روزہ دورے پر سنگا پور پہنچے، جہاں انہوں نے اسلامک فاونڈیشن کے تحت چلنے والے ادارے جامعہ چلڈرن ہوم کا دورہ کیا، اس موقع پر پرنس ہیری کا شاندار استقبال کیا گیا۔

برطانوی شہزادہ ہیری نے مسلمان کمیونٹی کے ساتھ روزہ افطار کیا، افطاری سے قبل جب دعا ہوئی تو پرنس ہیری نے احتراماََ سرجھکائے رکھا، جس کے بعد ان کی تواضع کجھوروں اور سنگاپور کی روایتی ڈش سے کی گئی۔

فلاحی تنظیم کے صدر ڈاکٹر محمد حسبی ابو بکر نے کہا کہ مسلمان کمیونٹی کے ساتھ برطانوی شہزادے کا افطار پارٹی میں موجود ہونا ہمارے لیے باعث فخر ہے۔ رمضان المبارک کے بابرکت مہینے میں ہمیں غریبوں کی مدد کرنی چاہیے۔

اس موقع پر پرنس ہیری بچوں میں گھل مل گئے جبکہ بچوں نے مارشل آرٹ کا مظاہرہ کیا۔

واضح رہے جامعہ چلڈرن ہوم میں غریب بچوں کو مفت رہائش ،تعلیم و تربیت فراہم کی جاتی ہے۔

پرنس ہیری سنگا پور میں فنڈ ریزنگ پولو کپ میں شرکت کے لیے سنگا پور گئے ہوئے تھے جہاں انہوں نے ایچ آئی وی ایڈز کے ایک مریض سے ملاقات کر کے اس حوالے سے بھی آگاہی فراہم کی جبکہ مختلف چیریٹی تقریبات میں بھی شرکت کی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں