لندن : ’شہزادہ ولیم‘ دنیا کے پرکشش ترین گنجے مرد بن گئے، جبکہ نویں پوزیشن حاصل کرنے والے ’دی راک‘ نے دوبارہ گنتی کا مطالبہ کردیا۔
دنیا میں مقابلہ حسن کا انعقاد تو ہوتا رہتا ہے لیکن برطانیہ میں پلاسٹک سرجری کےلیے مشہور ’لانگ ویٹا‘ نامی ادارے نے دنیا کے پرکشش ترین گنجے مردوں کا مقابلہ منعقد کیا، یہ مقابلہ ایک سروے پر منحصر تھا جو سوشل میڈیا کی مدد سے کیا گیا۔
سروے کے دوران ادارے نے یہ دیکھا کہ دنیا بھر میں کتنے افراد نے دنیا کی کس معروف گنجی شخصیت کو کیسے الفاظ، جملوں یا معاملوں پر سرچ کیا۔
سروے رپورٹ کے مطابق برطانوی شہزادہ ولیم دنیا کے پرکشش ترین گنجے قرار پائے جبکہ ہالی ووڈ سپر اسٹار ڈیوائن جانسن (دی راک) اور ون ڈیزل (ڈوم) آخری نمبروں پر رہیں، جس کی وجہ سے راک نے دوبارہ گنتی کا مطالبہ کردیا۔
How in the cinnamon toast f*ck does this happen – when Larry David clearly has a pulse?!?!#demandingrecount ☑️😊 https://t.co/ztO6ND4vk9
— Dwayne Johnson (@TheRock) March 27, 2021
سروے رپورٹ کے مطابق دوسرے نمبر پر امریکی باکسر مائیک ٹائسن اور تیسرے پر برطانوی اداکار جیسن اسٹاتھیم پرکشش گنجے قرار پائے۔
برطانوی ذرائع ابلاغ کا کہنا ہے کہ پرکشش گنجے مردوں کی فہرست میں چوتھے نمبر پر امریکی ریپر پٹ بل اور پانچویں نمبر پر امریکی کاروباری شخصیت مائیکل جارڈن جبکہ چھٹے نمبر پر باکسر فلائیڈ مے ویدر، ساتویں نمبر پر امریکی اداکار جان ٹروولٹا، آٹھویں نمبر پر ہولی وڈ اداکار بروس ولز، نویں نمبر پر ڈیوائن جونسن اور دسویں نمبر پر ون ڈیزل رہے۔