The news is by your side.

Advertisement

پرنسپل کے قتل میں ملوث ملزم تین روزہ ریمانڈ پر پولیس کے حوالے

چارسدہ : کالج پرنسپل کو توہین رسالت کے مبینہ الزام میں گولیاں مار کر قتل کرنے والے سیکنڈ ائیر کے گرفتار طالب علم فہیم اشرف کا عدالت نے تین روزہ ریمانڈ دے دیا۔

تفصیلات کے مطابق چارسدہ کی تحصیل شبقدر میں مٹہ روڈ پر واقع نیو اسلامیہ کالج کے سیکنڈ ایئر کے طالب علم فہیم اشرف کو کالج پرنسپل کے قتل کے الزام میں پولیس نے مقامی عدالت میں پیش کیا۔

پولیس نے ملزم کے ریمانڈ کی درخواست کی جس پر عدالت نے ملزم کو تین روزہ ریمانڈ ہر پولیس کے حوالے کردیا، ایس ایچ او تھانہ شبقدر کے مطابق واقعے کی تفتیش کے لیے تحقیقاتی کمیٹی تشکیل دے دی گئی ہے جس نے تفتیش کا باقاعدہ آغاز کردیا ہے۔

دوسری جانب پرنسپل کے قتل کیخلاف طلبہ طالبات اورعلاقہ مکینوں میں شدید اشتعال پایا جاتا ہے، واقعے کے بعد شبقدر کے تمام نجی تعلیمی اداروں نے سوگ منانے کے لیے تین دن تک تعلیمی سرگرمیاں معطل کرنے کا اعلان کیا ہے۔


مزید پڑھیں: چارسدہ، طالب علم نے پرنسپل کو گولی مارکر قتل کردیا


واضح رہے کہ نیو اسلامیہ کالج کے طالب علم فہیم اشرف نے 22 جنوری بروز پیر کی صبح پرنسپل سریر احمد پر توہین کا الزام عائد کرکے ان پر اندھا دھند فائرنگ کردی تھی۔

گولیاں لگنے سے سریر احمد شدید زخمی ہوگئے، جنہیں فوری طور پر مقامی اسپتال منتقل کیا گیا تاہم وہ زخموں کی تاب نہ لاتے ہوئے دوران علاج جاں بحق ہوگئے، مقتول کو سر اور سینے میں گولیاں ماری گئیں تھیں، پولیس نے ملزم کو موقع واردات سے آلہ قتل سمیت گرفتار کرلیا تھا۔

Comments

comments

یہ بھی پڑھیں