The news is by your side.

Advertisement

نجی ائیرلائن کے 12 طیارے سیکیورٹی رسک قرار،ائیرپورٹ سے ہٹانے کا حکم

کراچی : سول ایوی ایشن نے نجی ائیر لائن کے 12 طیاروں کو سیکیورٹی رسک قرار دیتے ہوئے ائیرپورٹ کے احاطے سے ہٹانے کا حکم دے دیا۔

اے آر وائی نیوز کراچی کے نمائندے صلاح الدین کے مطابق سول ایوی ایشن نے ائیر لائن انتظامیہ کو لکھے گئے خط میں کہا ہے کہ یہ طیارے کسی بھی وقت حادثے کا شکار ہو سکتے ہیں۔

انہوں نے بتایا کہ خراب طیاروں کو جلد از جلد ائیر پورٹ کے احاطے سے ہٹانے کے لیے انتظامیہ سے رابطہ کرلیا ہے اور اس ضمن میں لیگل برانچ نے کسٹم حکام کو 15 اپریل کو خط میں آگاہ کردیا ہے۔

ذرائع نے مزید بتایا کہ نجی ائیر لائن اور پاکستان کسٹم میں ٹیکس کا تنازعہ چل رہا ہے جس کے باعث معاملات پیچیدگی کی طرف جارہے ہیں۔

شاہین ائیر لائن اور پاکستان کسٹم حکام کے درمیان جاری تنازعات کو دیکھتے ہوئے کسٹم حکام نے 15 روز کے اندر ائیرلائن کو طیارے ہٹانے کا نوٹس جاری کردیا ہے، جس میں لکھا گیا ہے کہ طیاروں کی ائیرپورٹ پر موجودگی سے ائیرپورٹ انتظامیہ کو نقصانات کا سامنا کرنا پڑ رہا ہے۔

Print Friendly, PDF & Email

Comments

comments

یہ بھی پڑھیں