The news is by your side.

Advertisement

نجی سائبر کمپنی نے این ای ڈی یونیورسٹی کے تعاون سے سائبر سیکیورٹی سسٹم تیار کرلیا

کراچی : نجی سائبر کمپنی نے این ای ڈی یونیورسٹی کے تعاون سے سائبر سیکیورٹی سسٹم تیار کرلیا، جو کسی بھی مشکوک یا غیر معمولی سرگرمی کی نشاندہی کی صلاحیت رکھتا ہے۔

تفصیلات کے مطابق این ای ڈی یونیورسٹی میں نیشنل کلئیرنگ کمپنی کی جانب سے سائبر سیکیورٹی سسٹم پر سیمینار پر انعقاد کیا گیا، جس میں سائبر سیکیورٹی ماہرین سمیت ترکی کے قونصل جنرل نے بھی شرکت کی۔

تقریب سے خطاب کرتے ہوئے ترک کونصل جنرل نے آئی ٹی سیکٹر میں پاکستان کی صلاحیتوں کو سراہا۔

نیشنل کلیئرنگ کمپنی نے این ای ڈی کےاشتراک سےنیشنل سائبرسیکیورٹی سسٹم تیار کیا ہے ، سائبر سیکیورٹی سسٹم پہلے مرحلے میں کیپیٹل مارکیٹ کو تحفظ فراہم کرے گا اور خطرات کی نشاندہی کیساتھ غیرمعمولی رویوں کی بھی نشاندہی کرےگا۔

اس موقع پر سیکورٹی ماہرین کا کہنا تھا کہ بنایا گیا سائبر سیکیورٹی سسٹم سائبر حملوں اور نقب زنی کو ناکام بنانے کی صلاحیت رکھتا ہے، اس سے نہ صرف مالیاتی شعبے کو فائدہ ہوگا بلکہ پاکستان میں ٹیکنالوجی سے خود انحصاری بڑھے گی۔

Comments

یہ بھی پڑھیں