The news is by your side.

Advertisement

حکومت سے درخواست ہے بچوں کو پڑھنے دیا جائے: صدر پرائیویٹ اسکولز ایسوسی ایشن

اسلام آباد: آل پاکستان پرائیویٹ اسکولز اینڈ کالجز ایسوسی ایشن کے صدر نے حکومت سے درخواست کی ہے کہ ایس او پیز کا خیال رکھا جا رہا ہے اس لیے بچوں کو اب پڑھنے دیا جائے۔

تفصیلات کے مطابق نجی اسکول کالجز کی تنظیم کے صدر ملک ابرار حسین نے ایک بیان میں کہا ہے کہ ملک بھر میں نجی تعلیمی ادارے کھول دیے گئے ہیں، لیکن اس کا مقصد کسی کے ساتھ ضد کرنا نہیں ہے۔

انھوں نے کہا ایس او پیز کو فالو کیا جا رہا ہے اور چھوٹے بچوں کو اسکولوں میں نہیں بلایا گیا، آج بورڈ کی کلاس والے بچوں کو بلایا گیا تھا۔

ملک ابرار حسین کا کہنا تھا کہ بلوچستان اور خیبر پختون خوا میں 90 فی صد ادارے کھل گئے ہیں، اسی طرح کشمیر اور سندھ میں بھی 50 فی صد ادارے کھل چکے ہیں، اب نجی اسکولوں میں بھی بچوں کو پڑھنے دیا جائے۔

سوات میں 5 ماہ سے بند نجی تعلیمی ادارے کھل گئے، انتظامیہ کی کارروائی 4 پرنسپلز گرفتار

واضح رہے کہ گزشتہ روز ملک ابرار حسین نے چیئرمین این سی او سی اسد عمر سے ملاقات کی تھی، جس میں انھوں نے نجی تعلیمی اداروں کو کھولنے کے حوالے سے بات چیت کی، ملک ابرار کا کہنا تھا کہ وفاقی وزیر نے ان سے مکمل اتفاق کیا تھا کہ بچوں کا قیمتی وقت ضائع ہو رہا ہے۔

واضح رہے کہ آج آل پاکستان پرائیویٹ اسکولز ایسوسی ایشن کے فیصلے کے مطابق خیبر پختون خوا میں 5 ماہ سے بند نجی تعلیمی ادارے کھول دیے گئے ہیں، تاہم انتظامیہ نے اس پر کارروائی کرتے ہوئے 4 اسکولوں کے پرنسپلز کو گرفتار کر لیا۔

Comments

یہ بھی پڑھیں