لاہور : نجی اسکولز نے برٹش کونسل کو پی ٹی آئی مظاہروں کے باعث منسوخ کئے جانے والے امتحانات دوبارہ لینے کی تجویز دے دی۔
تفصیلات کے مطابق پی ٹی آئی مظاہروں کے باعث کیمبرج امتحانات منسوخی کے بعد نجی اسکولز نےبرٹش کونسل کودوبارہ امتحان لینےکی تجویز دے دی۔
نجی اسکولوں کا کہنا ہے کہ کیمبرج امتحان میں ایک مضمون کےدوسے4امتحان ہوتےہیں، 3 روز میں طلبا کے متعدد امتحانات کا ضیاع ہوا، اے لیولز کے ریاضی اور ہسٹری کے امتحان دوبارہ لیے جائیں۔
نجی اسکولز نے کہا کہ دیگر مضامین کو اوسط مارکس دے دیے جائیں، جولائی تک دوبارہ امتحان ہوگئے تو طلبا یونیورسٹیز میں داخلے لے سکیں۔
برٹش کونسل نے اسکولز کی تجاویز پر نظرثانی شروع کردی اور کہا کہ امتحانات معاملے پر اسکولز کے ساتھ بات چیت جاری ہے۔
یاد رہے پاکستان کی موجودہ صورتحال کے باعث 11 اور 12 مئی سے ہونے والے کیمبرج کے امتحانات منسوخ کیے گئے تھے۔
برٹش کونسل کی جانب سے جاری اعلامیے میں کہا گیا تھا کہ کیمبرج سسٹم کے تحت آج ہونے والے او لیول اور اے لیول کے امتحانات نہیں لیے جائیں گے۔
