عدالتی احکامات نظرانداز‘ پرائیوٹ اسکولوں کی جانب سے اضافی فیسوں کی وصولی جاری -
The news is by your side.

Advertisement

عدالتی احکامات نظرانداز‘ پرائیوٹ اسکولوں کی جانب سے اضافی فیسوں کی وصولی جاری

کراچی : پرائیوٹ اسکولوں کی فیسوں میں اضافے کو غیرقانونی قرار دیے جانے کے باوجود اسکولوں کی جانب سے اضافی فیسوں کی وصولی کا سلسلہ جاری ہے۔

تفصیلات کے مطابق رواں ہفتے 3 ستمبرکو سندھ ہائی کورٹ نے نجی اسکولوں کی جانب سے فیسوں میں پانچ فیصد سے زیادہ اضافے کو غیرقانونی قرار دیا تھا۔

عدالتی احکامات کے باوجود پرائیوٹ اسکولوں کی جانب سے اضافی فیسیں وصول کی جا رہی ہیں، والدین کا کہنا ہے کہ جون جولائی کی فیس اورسالانہ چارجز بھی وصول کیے جا رہے ہیں۔

دوسری جانب ڈائریکٹرجنرل پرائیوٹ اسکول کے مطابق عدالتی احکامات کی کاپی موصول نہیں ہوئی ہے، عدالتی حکم کی کاپی ملتے ہی عملدرآمد کیا جائے گا۔

نجی اسکولوں کی فیسوں میں 5 فیصد سے زائد اضافہ غیرقانونی قرار‘ سندھ ہائی کورٹ

یاد رہے کہ 3 ستمبرکو سندھ ہائی کورٹ کی جانب سے جاری فیصلے میں کہا گیا تھا کہ نجی اسکولوں کو 5 فیصد سے زیادہ فیس بڑھانے کا اختیارنہیں ہے۔ عدالت نے نجی اسکولوں کو 5 فیصد سے زائد فیس وصولی سے روک دیا تھا۔

واضح رہے کہ والدین کے وکلاء کا موقف تھا کہ اسکول اساتذہ کی تنخواہیں مجموعی اخراجات کا 50 فیصد بھی نہیں، اخراجات کے ساتھ اسکول کی آمدنی بھی دیکھنی چاہیے۔

والدین کے وکلاء کے مطابق آئین کا آرٹیکل 38 تمام فریقین پرلاگو ہوتا اور سپریم کورٹ بھی قرار دے چکی کہ نجی اسکول منافع بخش کاروبارمیں آتے ہیں۔

Comments

comments

یہ بھی پڑھیں