The news is by your side.

Advertisement

پریا پرکاش پاکستانی گانے پر جھوم اٹھیں، ویڈیو وائرل

ممبئی: سوشل میڈیا پر مختصر عرصے میں شہرپانے والی ملیالم اداکارہ پریا پرکاش کی ایک اور ویڈیو وائرل ہوگئی جس میں وہ 80 کی دہائی میں گائے جانے والے پاکستانی گانے پر جھوم رہی ہیں۔

تفصیلات کے مطابق سوشل میڈیا پر اپنی رومانوی ویڈیو کے ذریعے مقبولیت حاصل کرنے اور لاکھوں فلمی مداحوں کی توجہ اپنی جانب مبذول کرانے والی اداکارہ پریا پرکاش ایک بار پھر موضوع بحث بن گئیں۔

بھارتی میڈیا کے مطابق پریا پرکاش نے قریبی عزیز کی شادی میں شرکت کی اور خوب ہلہ گلہ کیا،  سوشل میڈیا پر وائرل ہونے والی ویڈیو میں دیکھا جا سکتا ہے کہ نوجوان اداکارہ اپنے دوستوں کے ہمراہ 80 کی دہائی میں گائے جانے والے حسن جہانگیر کا گانا ’ہوا ہوا‘ نہ صرف انہوں نے گایا بلکہ اس پر وہ جھوم بھی اٹھیں۔

ویڈیو دیکھیں

پریا کی نئی ویڈیو نے بھی انٹرنیٹ پر دھوم مچادی اور مداحوں نے اُن کی گائیکی کے انداز کو بہت سراہا۔ واضح رہے کہ گذشتہ دنوں ملیالم فلم کا چند سیکنڈ کا کلپ وائرل ہوا تھا جس میں ایک لڑکی اور لڑکے کی چھیڑ چھاڑ کو دکھایا گیا۔

مزید پڑھیں: پریا پرکاش، پذیرائی دیکھ کر جذبات قابو نہ رکھ سکیں

منظر کو عکس بند کرنے میں شوخیاں، نادانیاں اور معصومیت وغیرہ کا عنصر شامل تھا جس نے صرف بھارت ہی نہیں بلکہ دنیا بھر کے صارفین کو متاثر کیا۔خوبرو بھارتی اداکارہ کی عمر ابھی 18 صرف برس ہے اور انہوں نے مختصر سے عرصے میں شہرت کی اُن بلندیوں کو چھوا جو کسی بھی اداکار کی خواہش ہوتی ہے۔

قبل ازیں سوشل میڈیا پر وائرل ہونے والے ویڈیو کلپ کے بعد پریا پرکاش کو سوشل میڈیا صارفین نے تلاش کر کے فالو کرنا شروع کیا، محض چند ہی گھنٹوں میں اُن کے انسٹا گرام پر اُن کے فالورز کی تعداد چودہ لاکھ سے تجاوز کرگئی تھی۔

یہ بھی پڑھیں: سوشل میڈیا اسٹار پریا پرکاش موبائل فون سے محروم

واضح رہے کہ پریا ملیالم زبان کی فلم ’ اورو آدار لو‘ میں مرکزی کردار ادا کررہی ہیں، انہیں فلم کی ریلیز سے قبل چھوٹے سے ویڈیو کلپ نے ہی اتنی شہرت دے دی کہ اب وہ خود بھی حیران ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں