The news is by your side.

Advertisement

پریانکا چوپڑا یوکرینی بچوں کی مدد کیلیے میدان میں آگئیں

روس اور یوکرین کے درمیان جاری جنگ اور اس سے پیدا ہونے والی صورتِ حال پر نہ صرف سیاست دان بلکہ فنکاروں نے بھی آواز بلند کرنا شروع کر دی ہے۔

بالی وڈ کے ساتھ ساتھ ہالی وڈ میں بھی اپنی لاجواب اداکاری سے نام بنانے والی اداکارہ پریانکا چوپڑا نے یوکرین کے بچوں کے تحفظ کے لیے آواز اٹھائی ہے۔

پریانکا چوپڑا نے اقوام متحدہ کا فنڈ برائے اطفال (یونیسف) کا لنک شیئر کرتے ہوئے لوگوں کو یوکرینی بچوں کے لیے عطیات دینے کی درخواست کی ہے۔

 

View this post on Instagram

 

A post shared by Priyanka (@priyankachopra)

فوٹو اینڈ ویڈیو شیئرنگ ایپلی کیش پر ویڈیو شیئر کرتے ہوئے پریانکا چوپڑا نے لکھا کہ یوکرین میں جو صورتِ حال سامنے آ رہی ہے وہ خوفناک ہے، بے گناہ لوگ اپنی اور پیاروں کی زندگیوں کے خوف میں مبتلا ہیں جب کہ مستقبل قریب کی غیر یقینی صورتِ حال سئ نکلنے کی کرنے کی کوشش کر رہے ہیں۔

پریانکا چوپڑا نے کہا کہ یہ سمجھنا مشکل ہے کہ جدید دنیا میں یہ اس طرح کے تباہ کن موڑ تک کیسے بڑھ جا سکتا ہے تاہم یہ ایک نتیجہ خیز لمحہ ہے جو پوری دنیا میں گونجے گا۔

انہوں نے کہا کہ اس جنگ زدہ علاقے میں آپ اور میرے جیسی معصوم جانیں رہ رہی ہیں، ان لوگوں کی مدد کرنے کے طریقے کے بارے میں میرے بائیو میں لنک پر مزید معلومات ہیں۔

Comments

یہ بھی پڑھیں