The news is by your side.

Advertisement

سری لنکن شہری کا قتل کیس، پنجاب حکومت نے بڑا فیصلہ کرلیا

لاہور : پنجاب حکومت نے سیالکوٹ میں سری لنکن شہری کو قتل کرنے اور جلانے کے مقدمے کا ٹرائل لاہور میں کرنے کا فیصلہ کرلیا ، ٹرائل کوٹ لکھپت جیل لاہورمیں ہوگا۔

تفصیلات کے مطابق سیالکوٹ میں سری لنکن شہری کو قتل کرنے اور جلانے کے مقدمے میں اہم پیش سامنے آئی ، پنجاب حکومت نے مقدمے کا ٹرائل لاہور میں کرنے کا فیصلہ کرلیا۔

اس حوالے سے جاری نوٹیفیکشن میں کہا گیا کہ سانحہ سیالکوٹ مقدمے کا ٹرائل کوٹ لکھپت جیل لاہور میں ہو گا، سری لنکن شہری کے قتل کیس کی پیروی پراسکیوشن کی خصوصی ٹیم کرے گی اور تین رکنی خصوصی پراسکیوشن ٹیم کی سربراہی عبدالروف وٹو کریں گے۔

پراسکیوشن کو ہدایت کی گئی ہے کہ سانحہ سیالکوٹ کیس کی سماعت کی کارکردگی رپورٹ روزانہ پراسکیوٹر جنرل پنجاب کو بھجوائی جائے۔

ذراٸع کے مطابق سانحہ سیالکوٹ کیس میں تفتیش آخری مرحلے میں داخل ہو چکی ہے۔

واضح رہے کہ سیالکوٹ میں واقع لیدر فیکٹری میں کام کرنے والے غیرملکی مینیجر پریانتھا کو ملازمین نے توہین مذہب کا الزام لگا کر بہیمانہ تشدد کا نشانہ بنا کر ہلاک کیا اور پھر لاش کو چوک پر نذر آتش کردیا تھا۔

Comments

یہ بھی پڑھیں