اسلام آباد: وزیر اعظم عمران خان نے سانحہ سیالکوٹ کے ہیرو ملک عدنان کو اسلام آباد بلا لیا۔
تفصیلات کے مطابق سانحہ سیالکوٹ کے ہیرو اور مقتول سری لنکن شہری کی جان بچانے کی بھرپور کوشش کرنے والے پاکستانی شہری ملک عدنان کو پورے پروٹوکول کے ساتھ وزیر اعظم آفس لایا جائے گا۔
وزیر اعظم عمران خان ملاقات میں ملک عدنان کو قومی ہیرو قرار دیں گے، اس سلسلے میں وزیر اعظم کے معاون خصوصی شہباز گل نے ایک ٹوئٹ میں کہا ہے کہ ملک عدنان جنھوں نے سیالکوٹ واقعے میں بے مثال بہادری اور شجاعت کا مظاہرہ کیا، وہ آج رات وزیر اعظم ہاؤس میں وزیر اعظم کے خاص مہمان کے طور پر قیام کر رہے ہیں۔
شہباز گل کا کہنا تھا کہ کل وزیر اعظم آفس میں ایک خصوصی تقریب میں ان کی خدمات کو سراہا جائے گا، جب کہ وزیر اعظم نے پہلے ہی انھیں تمغہ شجاعت دینے کا فیصلہ کیا ہے۔
ملک عدنان جنہوں نے سیالکوٹ واقعہ میں بے مثال بہادری اور شجاعت کا مظاہرہ کیا وہ آج رات وزیراعظم ہاؤس میں وزیراعظم کے خاص مہمان کے طور پر قیام کر رہے ہیں۔ کل وزیراعظم آفس میں ایک خصوصی تقریب میں ان کی خدمات کو سراہا جائے گا۔ وزیراعظم نے پہلے ہی انہیں تمغہ شجاعت دینے کا فیصلہ کیا ہے
— Dr. Shahbaz GiLL (@SHABAZGIL) December 6, 2021
واضح رہے کہ آج وزیر اعظم کی زیر صدارت سیکیورٹی اجلاس میں سری لنکن منیجر کو بچانے کی کوشش کرنے والے ملک عدنان کو خراج تحسین پیش کیا گیا۔
وزیر اعظم کی زیر صدارت سیکیورٹی اجلاس میں ملک عدنان کی بہادری کی تعریف
اجلاس میں ملک عدنان کی بہادری اور جرأت کی بھی تعریف کی گئی، اعلامیے میں کہا گیا کہ ملک عدنان نے سری لنکن شہری کو بچانے کے لیے اپنی جان خطرے میں ڈالی۔
