لاہور: پروہاکی لیگ میں قومی ٹیم کے کھلاڑیوں کی ناقص کارکردگی پر سوالات اٹھ گئے، لیگ کےلیے حکومت نے 10 کروڑ روپے خرچ کیے۔
پروہاکی لیگ کے 2 مراحل پر حکومت کے تقریباً 10 کروڑ روپے خرچ ہوئے مگر پاکستان کی ہاکی ٹیم توقعات پر پورا اترنے میں بُری طرح ناکام رہی، قومی ہاکی ٹیم کو پروہاکی لیگ کے 8 میچز میں مسلسل شکست کا سامنا رہا۔
ٹیم مینجمنٹ کی جانب سے کپتان عماد شکیل بٹ سے پرفارمنس پر بازپرس کی گئی جبکہ اختلافات بھی سامنے آگئے، قومی ہاکی ٹیم کے عماد اور ٹیم مینجمنٹ میں تلخ کلامی ہوئی۔
ذرائع نے بتایا کہ پرولیگ میں ناقص کارکردگی سے توجہ ہٹانے کیلئے کپتان عماد شکیل بٹ نے رہائش اور خوراک کا مسئلہ اٹھا دیا۔
پی ایس بی کی بروقت ادائیگی نہ ہونے پر ہوٹل کی بکنگ منسوخ ہوئی، ٹیم مینجمنٹ نے اس حوالے سے بتایا کہ کھلاڑیوں کی رضامندی سے آسٹریلیا میں 9 کمروں کا ولا کرائے پر لیا گیا۔
قومی ہاکی ٹیم آسٹریلیا پہنچتے ہی رل گئی، ہوٹل بکنگ کا دعویٰ بھی جھوٹا نکلا
اے آر وائی نیوز کی ڈیجیٹل ڈیسک کی جانب سے شائع کی گئی خبریں