The news is by your side.

Advertisement

لاہور: تحریک انصاف کارکنان کی گرفتاریوں کے خلاف وکلا کا احتجاج

لاہور: تحریک انصاف کے کارکنوں پر پولیس تشدد اور گرفتاریوں کے خلاف تحریک انصاف لائرز ونگ کے وکلا لاہور کے مال روڈ پر نکل آئے۔ وکلا سڑک پر ٹائر جلا کر گو نواز گو کے نعرے لگاتے رہے۔

تحریک انصاف کے وکلا نے کارکنوں پر پولیس تشدد کے خلاف لاہور ہائیکورٹ کے سامنے احتجاجی مظاہرہ کیا۔ مظاہرین نے جی پی او چوک میں ٹائر جلا کر مال روڈ کو ٹریفک کے لیے بند کر دیا۔

احتجاج کے دوران وکلا گو نواز گو اور حکومت مخالف نعرے لگاتے رہے۔ وکلا کے احتجاج کے باعث مال روڈ پر ٹریفک کی بندش سے شہریوں کو شدید مشکلات کا سامنا کرنا پڑا۔

اسلام آباد ہائی کورٹ کا شہر کے تمام راستوں سے کنٹینرز ہٹانے کا حکم *

احتجاج کے دوران ایک شہری نے وکلا کی جانب سے لگائی گئی رکاوٹ عبور کرنا چاہی تو احتجاج کرنے والے ایک وکیل نے اسے تشدد کا نشانہ بنا ڈالا۔

واضح رہے کہ تحریک انصاف کے احتجاجی دھرنے کے خلاف حکومت نے کریک ڈاؤن شروع کر دیا ہے۔ کل شام تحریک انصاف کے تقریباً 500 کارکنان کو گرفتار کیا گیا جبکہ آج مزید 55 کارکنوں کو گرفتار کرلیا گیا ہے۔

دوسری جانب راولپنڈی کے کمیٹی چوک میں پولیس نے شیخ رشید کے خطاب کے دوران لاٹھی چارج اور شیلنگ شروع کردی جس کے سبب کارکنان کے بار بار منتشر ہونے اور کمیٹی چوک کے اطراف کی گلیوں میں منظم ہو کر دوبارہ کمیٹی چوک پر جمع ہونے کا سلسلہ جاری ہے۔

Comments

comments

یہ بھی پڑھیں