The news is by your side.

Advertisement

پاکستان ریلوے کا گھوٹکی ٹرین حادثے کی تحقیقات 16 جون سے شروع کرنے کا اعلان

لاہور : پاکستان ریلوے کے ترجمان نے گھوٹکی کے قریب ٹرین حادثے کی تحقیقات 16 جون سے شروع کرنے کا اعلان کردیا ، ٹرین حادثے سے متعلق تحقیقات تین دن تک جاری رہیں گی۔

تفصیلات کے مطابق پاکستان ریلوے کے ترجمان کی جانب سے بیان میں کہا گیا ہے کہ گھوٹکی ٹرین حادثےکی تحقیقات کاآغاز16جون سےہوگا، تحقیقات کی سربراہی وفاقی حکومت کے انسپکٹر ریلوے فرخ تیمور کریں گے ، جبکہ حادثے سے متعلق بیان یا ثبوت ڈی ایس آفس سکھر میں وصول ہوں گے۔

ترجمان پی آر کے مطابق گھوٹکی ٹرین حادثے سے متعلق تحقیقات تین دن تک جاری رہیں گی۔

اس سے قبل وفاقی وزیر ریلوے اعظم سواتی نے ٹرین حادثہ میں غفلت برتنے والوں اور نااہلی کے ‏مرتکب افسران کے خلاف ایکشن لیتے ہوئے سکھر ، کراچی اور لاہور ڈویژن سے تعلق رکھنے والے پی آر کے نو سینئر افسران کو معطل کردیا تھا۔

معطل ہونے والوں میں ڈی ای این’’ٹو‘‘سکھر غلام قادر لاکھو، اےایم ای ون سکھر عبدالعزیز، پی ‏ڈبلیوآئی میرپور قاضی شمس الدین، سب انجینئرجی آرون کراچی ڈویژن، ابتسام الحسن، اےٹواو، ‏اےسی او سکھرنہال خان شامل تھے۔

ریلوے حکام نےکراچی سے ڈپٹی ڈویژنل سپرنٹنڈنٹ کراچی سول شوکت علی شیخ، ڈی ای این ٹو کراچی مجیب رحمان، پی ‏ڈبلیو آئی حیدر آباد مسٹر منصور انور، ڈویژنل مکینیکل انجینئر 2 لاہور محمد عمران ، اسسٹنٹ ٹریفک افسر سکھر، اےایم ای سکھر اور ٹی ایکس آر کراچی کو بھی ‏معطل کر دیا تھا۔

واضح رہے ملت ایکسپریس اورسرسید ایکسپریس کے درمیان تصادم کا خوفناک واقعہ پیش آیا ، جس میں 63 افراد جاں بحق جبکہ 100 سے زائد زخمی ہو گئے تھے۔

Comments

یہ بھی پڑھیں