لاہور : پنجاب میں پولیس کی خالی آسامیوں پر دس ہزار بھرتیوں کا عمل شروع کردیا گیا ، پہلے فیز میں5700 بھرتیاں کی جارہی ہے۔
تفصیلات کے مطابق وزیراعلیٰ عثمان بزدار نے سماجی رابطے کی ویب سائٹ ٹوئٹر پر اپنے پیغام میں کہا پنجاب میں میرٹ پر پولیس کی خالی پوسٹوں پر 10ہزاربھرتیوں کا عمل شروع ہوگیا ہے ،پہلےفیزمیں5700بھرتیاں کی جارہی ہیں۔
عثمان بزدار کا کہنا تھا کہ پولیس میں میرٹ پر پڑھے لکھے نوجوانوں کی شمولیت وقت کی ضرورت ہے اور پولیس میں بھرتی نوجوانوں کی جدیدخطوط پرٹریننگ ضروری ہے، روایتی پولیس کلچرمیں تبدیلی،پبلک سروس ڈیلوری بہتربنانی ہے۔
پولیس میں میرٹ پر پڑھےلکھے نوجوانوں کی بھرتی اور ان کی جدید خطوط پر ٹریننگ انتہائی ضروری ہے تاکہ روایتی پولیس کلچر میں تبدیلی آئے اور پبلک سروس ڈلیوری بہتر ہو
صوبےبھر میں میرٹ پر پولیس کی خالی پوسٹوں پر 10ہزار بھرتیوں کا عمل شروع ہو چکاہے جس میں سے 5700 پہلےفیز میں رکھےجا رہےہیں https://t.co/eZYIHs7hNI
— Usman Buzdar (@UsmanAKBuzdar) November 5, 2020
یاد رہے وزیراعلیٰ پنجاب کی زیرصدارت نوتعمیر شدہ پولیس انوسٹی گیشن کمپلیکس کی عمارت میں خصوصی اجلاس ہواتھا، جس میں عثمان بزدار نے پولیس میں 5700 بھرتیوں کی منظوری دی تھی۔
مزید پڑھیں : پنجاب پولیس میں 5700 بھرتیوں کی منظوری
وزیراعلی پنجاب نے 101 تھانوں کو اراضی کی منتقلی کا عمل تیز کرنے کی ہدایت کرتے ہوئے کہا پولیس افسران اوپن ڈور پالیسی پر عملدرآمد یقینی بنائیں، پولیس عوام کو بہترین سروس دے اور تمام وسائل مہیا کریں گے۔
عثمان بزدارکا کہنا تھا کہ پنجاب میں ہر پولیس افسر کو میرٹ پر کام کرنے کی آزادی میسر ہے، صوبے میں انوسٹی گیشن کے عمل کو مرکزی انوسٹی گیشن سینٹر سے مانیٹر کریں گے
