اسپیکر قومی اسمبلی نے شہباز شریف کے پروڈکشن آرڈر جاری کر دیے -
The news is by your side.

Advertisement

اسپیکر قومی اسمبلی نے شہباز شریف کے پروڈکشن آرڈر جاری کر دیے

لاہور: اسپیکر قومی اسمبلی اسد قیصر نے اپوزیشن لیڈر شہباز شریف کے پروڈکشن آرڈر جاری کر دیے، 17 اکتوبر کے اجلاس میں شرکت کر سکیں گے۔

تفصیلات کے مطابق قومی اسمبلی کے اسپیکر نے نیب کے ہاتھوں گرفتار مسلم لیگی رہنما شہباز شریف کے پروڈکشن آرڈر جاری کر دیے ہیں جس کے بعد اب وہ سترہ اکتوبر کے اجلاس میں شریک ہو سکیں گے۔

شہباز شریف 17 اکتوبر کے اجلاس میں شرکت کر سکیں گے

اپوزیشن لیڈر شہباز شریف کو قومی احتساب بیورو (نیب) نے آشیانہ اقبال ہاؤسنگ اسکینڈل میں گرفتار کر رکھا ہے، 5 اکتوبر کو نیب نے صاف پانی کیس میں تفتیش کے لیے شہباز شریف کو طلب کیا تھا۔

مسلم لیگ کے صدر شہباز شریف تفتیش کے لیے آئے تو ان سے آشیانہ سوسائٹی کے حوالے سے بھی پوچھ گچھ کی گئی، جس کے بعد شہباز شریف کو حراست میں لے لیا گیا۔

قومی احتساب بیورو نے شہباز شریف کی گرفتاری کی بنیادی وجوہات بیان کرتے ہوئے اپنی تحقیقاتی رپورٹ میں کہا کہ شہباز شریف نے بہ طور وزیرِ اعلیٰ پنجاب اپنے اختیارا ت کا غلط استعمال کیا۔


یہ بھی پڑھیں:  شہباز شریف کی گرفتاری، پنجاب اسمبلی کے باہر ن لیگ کے رہنماؤں کا احتجاج


دوسری طرف شہباز شریف کی گرفتاری کے معاملے پر پنجاب اسمبلی کا اجلاس نہ بلائے جانے کے خلاف پنجاب اسمبلی کے باہر ن لیگ کے رہنماؤں نے احتجاج کیا، رہنما اسمبلی کے مرکزی گیٹ کو لاتیں مارتے رہے۔

Comments

comments

یہ بھی پڑھیں