The news is by your side.

Advertisement

ڈاکٹر ناصرہ جامعہ کراچی کی پہلی خاتون قائم مقام وائس چانسلر تعینات

کراچی : سندھ حکومت نے خالد عراقی کو عہدے سے ہٹا کر ڈاکٹر ناصرہ کو جامعہ کراچی کا قائم مقام وائس چانسلر تعینات کردیا۔

تٖفصیلات کے مطابق ڈاکٹر ناصرہ کو  جامعہ کراچی کی پہلی خاتون قائم مقام وائس چانسلر تعینات کردیا گیا ، ڈاکٹر ناصرہ جامعہ کراچی کی سب سے سینئر پروفیسر ہیں۔

اس حوالے سے حکومت سندھ کے محکمہ یونیورسٹی اینڈ بورڈ کے جاری کردہ نوٹیفکیشن میں کہا گیا ہے کہ سندھ ہائی کورٹ نے قائم مقام وی سی خالدعراقی کوہٹانے کاحکم دیا تھا اور سب سے سینئرپروفیسرکو قائم مقام وائس چانسلر تعینات کرنے کے بھی احکامات دیئے تھے۔

یاد رہے پروفیسر احمد قادری نے خالد عراقی کی تعیناتی کیخلاف درخواست دائر کی تھی، خالد عراقی کو 15 مئی 2019 میں ڈاکٹر اجمل کی جگہ قائم مقام وائس چانسلر مقرر کیا گیا تھا۔

گذشتہ ہفتے سندھ ہائی کورٹ نے جامعہ کراچی کے قائم مقام وائس چانسلر خالد عراقی کوعہدے سے نہ ہٹانے پرتوہین عدالت کی درخواست پر سماعت میں ریمارکس دیے تھے کہ ایک ہفتے میں فیصلے پر عمل نہ ہوا تو توہین عدالت کی کارروائی کی جائے گی۔

عدالت نے 26 جنوری 2022 کے بعد خالد عراقی کی جانب سے کیے گئے تمام فیصلے بھی کالعدم قرار دیئے تھے۔

Comments

یہ بھی پڑھیں