The news is by your side.

Advertisement

پاکستان کا سب سے بڑا پروفیشنل باکسنگ میلہ سجنےکو تیار

گلگت: پاکستان کاسب سے بڑا پروفیشنل باکسنگ میلہ آج سجنے کو تیار ہے، دس سے زائد ممالک کے باکسر پاکستان پہنچ گئے۔

تفصیلات کے مطابق انٹرنیشنل باکسنگ میلہ آج گلگت شہر میں منعقد ہوگا، گلگت کے سب سے بڑے اسٹیڈیم لالک جان میں پروفیشنل باکسنگ میلے کی تمام تر تیاریاں مکمل کرلیں گئیں ہیں۔

ایشین باکسنگ چیمپئن عثمان وزیر پہلی بار گلگت میں ایکشن میں دکھائی دینگے اور ورلڈ باکسنگ ایسو سی ایشن ٹائٹل کےلئےفائٹ کریں گے، عثمان وزیر کا مقابلہ انڈونیشین حریف سےہو گا، بڑے مقابلے کے لئے گلگت کی عوام میں بڑا جوش وخروش پایا جاتا ہے۔

یہ بھی پڑھیں: عثمان وزیر نے پاکستان کے لیے ایک اور عالمی اعزاز جیت لیا

پروفیشنل باکسنگ میلے کا دوسرا بڑا مقابلہ ٹاپ پاکستانی باکسر آصف ہزارہ کا ہوگا جو ساؤتھ ایشین ٹائٹل کیلئے رنگ میں اتریں گے، پروفیشنل باکسنگ مقابلوں میں حصہ لینے کے لئے دس ممالک کے ٹاپ باکسر پاکستان پہنچ چکے ہیں۔

یاد رہے کہ رواں سال مارچ میں پاکستان کے باکسر عثمان وزیر نے میڈل ایسٹ ٹائٹل کا کامیابی سے دفاع کیا تھا، دبئی میں ہونے والی فائٹ میں عثمان وزیر نے انڈونیشین باکسر کو پہلے ہی راؤنڈ میں ناک آؤٹ کیا تھا۔

Comments

یہ بھی پڑھیں