The news is by your side.

Advertisement

فاطمہ جناح یونیورسٹی اسلام آباد کے پروفیسر سلمان حیدر لاپتہ

اسلام آباد: وفاقی دارالحکومت اسلام آباد میں فاطمہ جناح یونیورسٹی کے پروفیسر اور انسانی حقوق کے کارکن سلمان حیدر لاپتہ ہوگئے۔

پولیس کے مطابق سلمان حیدر کی اہلیہ نے تھانہ لوئی بھیر میں سلمان حیدر کی گمشدگی کی رپورٹ درج کروائی ہے۔

سلمان حیدر کے بھائی کا کہنا ہے کہ وہ گذشتہ رات بنی گالا کے علاقے میں اپنے دوستوں کے ہمراہ موجود تھے۔

سلمان حیدر نے فون پر اپنی اہلیہ کو اطلاع دی تھی کہ وہ رات 8 بجے تک گھر پہنچ جائیں گے لیکن جب 10 بجے تک وہ گھر نہیں پہنچے تو ان کی اہلیہ نے انہیں فون کیا۔ فون کی گھنٹی بجتی رہی مگر سلمان حیدر یا کسی اور نے اسے ریسیو نہیں کیا۔

بعد ازاں ان کے نمبر سے ان کی اہلیہ کو ایک ایس ایم ایس موصول ہوا کہ ان کی گاڑی کورال چوک سے لے لی جائے۔

پولیس کا کہنا ہے کہ ان کی گاڑی کورال چوک سے ہی ملی۔ وہ معاملے کی تہہ تک پہنچنے کی کوشش کر رہے ہیں۔

یاد رہے کہ سلمان حیدر گزشتہ 5 سال سے فاطمہ جناح یونیورسٹی میں تدریس کے فرائض انجام دے رہے تھے۔

Print Friendly, PDF & Email

Comments

comments

یہ بھی پڑھیں