The news is by your side.

Advertisement

معروف کشمیری رہنما شیخ تجمل الاسلام انتقال کر گئے

معروف کشمیری رہنما اور بانی تحریک آزادی کشمیر سید علی گیلانی کے قریبی ساتھی شیخ تجمل الاسلام انتقال کر گئے۔

کشمیر میڈیا سروس کے مطابق شیخ تجمل الاسلام انتہائی علیل تھے اور اسلام آباد کے پمز میں زیر علاج تھے ‏جہاں وہ زندگی کی بازی ہار گئے۔

شیخ تجمل کی عمر 65 برس تھی، سید علی شاہ گیلانی کے قریبی ساتھی تھے. شیخ تجمل الاسلام گزشتہ ایک ماہ سے اسلام آباد کے ایک اسپتال میں داخل تھے اور اتوار کی رات انہوں نے آخری ‏سانس لی وہ اپنے پیچھے بیوہ اور ایک بیٹی چھوڑ گئے۔

شیخ تجمل کا تعلق مقبوضہ جموں و کشمیر سے تھا۔ انہوں نے 1975 میں کشمیر یونیورسٹی سرینگر سے ایل ایل ‏بی کیا اور اسی یونیورسٹی سے 1980 میں ایم اے اردو کیا۔ طالب علمی کے دوران انہوں نے 1979 سے 1984 تک ‏اسلامی جمعیت طلبہ کے ناظم اعلیٰ بھی رہے۔

Comments

یہ بھی پڑھیں