The news is by your side.

Advertisement

امریکا: رگبی کے معروف کھلاڑی انتقال کرگئے

واشنگٹن: امریکا میں رگبی کے معروف کھلاڑی ’میکس تیورک‘ انتقال کرگئے۔

غیرملکی خبررساں ادارے کی رپورٹ کے مطابق امریکی ریاست کیلی فورنیا سے تعلق رکھنے والے میکس تیورک اچانک انتقال کرگئے، اہل خانہ نے موت کی وجہ اور مکمل تفصیلات نہیں بتائی ہیں۔

رپورٹ کے مطابق امریکی کھلاڑی اپنے والدین کے ہمراہ سین ڈیاگو شہر میں قائم ایک پارک میں چل قدمی کرتے ہوئے اچانک انتقال کرگئے، موت سے متعلق تاحال کوئی حتمی رائے سامنے نہیں آئی ہے۔

رشتے داروں کا کہنا ہے کہ میکس اپنے ٹیم میٹس، کوچز اور کھلاڑیوں کا بہت خیال رکھتا تھا، اس کی موت سے ہمیں شدید صدمہ پہنچا ہے، اہل خانہ سمیت تمام چاہنے والے غم زدہ اور گہرے دکھ کا شکار ہیں۔

رگبی کھلاڑی نے 2012 کے بعد ملک میں خوب اپنا نام بنایا اور شہرت پائی، میکس تیورک نے کھیل کے تین بڑے کوچز(لین کیفن، اسٹیف سرکیسین، کلے پیلٹن) کی سرپرستی میں رگبی کے گر سیکھے۔

میکس تیورک کی اچانک موت پر ان کے چاہنے والے بھی تعزیت کا اظہار کررہے ہیں۔

Comments

یہ بھی پڑھیں