کراچی : سندھ حکومت نے 1200 سے زائد اساتذہ کی ترقیوں کی منظوری دے دی ،ترقی پانے والوں میں 7اضلاع کے اساتذہ شامل ہیں۔
تفصیلات کے مطابق کراچی کی تاریخ میں پہلی بار 1200 سے زائد اساتذہ کی ترقیوں کی منظوری دے دی گئی۔
اس حوالے سے ڈائریکٹرسیکنڈری نے نوٹیفکیشن جاری کردیا ہے ، ترقی پانے والوں میں 7اضلاع کے اساتذہ شامل ہیں۔
پرائمری اساتذہ کو ترقی دے کر جونیئر اسکول ٹیچر اور جونیئر اسکول ٹیچر کوہائی سیکنڈری ٹیچر کا درجہ دیا گیا ہے۔
1200سے زائد اساتذہ کو 16 ویں گریڈ میں ترقی مل گئی ، بعض اساتذہ 10سال سے ترقیوں کے منتظر تھے۔
کسی بھی استاد کا ایک ضلع سے دوسرے ضلع تک تبادلہ نہیں ہوگا ، تمام خواتین اساتذہ کو اس کے ٹاؤن کےاندرہی مقرر کیا گیا ہے۔
