The news is by your side.

Advertisement

گرمیوں میں بیماریوں سے محفوظ رہنے کا نہایت آسان نسخہ

لوکی جیسی سبزی کے لیے جس کی تعریف میں صرف یہ کہہ دینا کافی ہے کہ یہ آقائے دو جہاں نبی کریم صلی اللہ علیہ وآلہ وسلم کی پسندیدہ ترین سبزی ہے۔

مشکوۃ شریف کے مطابق حضرت انس بن مالکؓ فرماتے ہیں کہ وہ اور نبی کریم سالن تناول فرما رہے تھے تو انس بن مالکؓ نے دیکھا کہ نبی کریم سالن میں لوکی ڈھونڈ کر تناول فرما رہے تھے۔

گرمی کے ستائے افراد کچھ نہ کچھ اس کا توڑ کرتے ہی رہتے ہیں جس کیلئے ہلکی اور تازہ غذا کا استعمال بے حد ضروری ہے، سبزی اور پھلوں کے جوس کے استعمال کے علاوہ متعدد جتن کیے جاتے ہیں جس کا مقصد گرمی سے محفوظ رہنا یا اسے دور بھگانا ہوتا ہے۔

اس حوالے سے ماہرین کا کہنا ہے کہ وٹامن سی سے بھر پور لوکی کے استعمال سے موسم گرما میں گرمی کی شدت سمیت کئی بیماریوں سے بچا جا سکتا ہے، ماہرین کولیسٹرول لیول، شوگر لیول اور بلڈ پریشر متوازن رکھنے کے لیے لوکی تجویز کرتے ہیں۔

گرمی کے موسم میں استعمال ہونے والی ایک مشہور سبزی لوکی بھی ہے جس کے متعدد طبی فوائد ہیں،خاص طور پر اس کے جوس کا استعمال نہ صرف وزن کو کم کرنے میں مدد گار ثابت ہوتا ہے بلکہ اس کا کولنگ ایجنٹ جسم سے زہریلے اور فاضل مادے کے خاتمے میں اہم کردار ادا کرتا ہے۔

لوکی کیلشیم، پوٹاشیم اور فولاد فراہم کرنے کا اہم ذریعہ ہے، لوکی کا جوس پینے سے معدے کی سختی میں کمی آتی ہے، تیزابیت اور معدے کی جلن کو دور ہوتی ہے، آنتوں سے تیزابیت اور انفکیشن کا خاتمہ ہوتا ہے۔

ایک گلاس لوکی کے جوس میں لیموں ملا کر پینے سے جسم ہلکا پھلکا رہتا ہے اور توانائی میں بھی کمی نہیں آتی۔ طبی ماہرین کے مطابق لوکی کے استعمال سے کئی بیماریوں سے بچا جاسکتا ہے، وٹامن سی سے بھرپور لوکی کے دیگر بےشمار طبی فوائد ہیں۔

Comments

یہ بھی پڑھیں