The news is by your side.

Advertisement

کراچی: لوڈشیڈنگ کے خلاف مظاہرے، جلاؤ گھیراؤ، مقدمہ درج

کراچی: بجلی کی غیر اعلانیہ لوڈشیڈنگ کے خلاف شہر کے مختلف علاقوں میں احتجاجی مظاہرے کیے گئے جبکہ گزشتہ روز غریب آباد بجلی کے بریک ڈاؤن کے خلاف ہونے والے مظاہرے کا مقدمہ درج کرلیا گیا۔

تفصیلات کے مطابق کراچی کے مختلف علاقوں میں آج بھی بجلی کی طویل بندش کا سلسلہ جاری رہا، بجلی کی طویل اور غیر اعلانیہ لوڈشیڈنگ کے خلاف عوام کے مختلف علاقوں میں احتجاج کیا اور سڑک بند کر کے اپنا احتجاج ریکارڈ کروایا۔

لانڈھی اور گلستان جوہر میں مشتعل مظاہرین نے کے الیکٹرک کے دفاتر پر دھاوا بولا جس کے بعد عملہ دفتر چھوڑ کر فرار ہوگیا جبکہ مشتعل مظاہرین نے شارع فیصل کو بھی بلاک کیا۔

ناظم آباد، پاپوش نگر، چاندنی چوک، سندھی ہوٹل، لیاقت آباد، لسبیلہ سمیت مختلف میں علاقہ مکینوں نے ٹائر جلا کر سڑک بلاک کی اور کے الیکٹرک کے خلاف اپنا احتجاج ریکارڈ کراویا۔

دوسری جانب گزشتہ روزغریب آباد میں احتجاج کرنے پر 5 افراد کے خلاف مقدمہ درج کرلیاگیا، مقدمے میں اُن پانچ افراد کو نامزد کیا گیا ہے جو کل جائے وقوعہ سے گرفتار ہوئے تھے۔مقدمے میں پچاس سے زائد نامعلوم افراد کو بھی نامزد کیا گیا ہے۔

مقدمے میں کارسرکار میں مداخلت، ہنگامہ آرائی اور پولیس پر حملے کی دفعات شامل کی گئی ہے، گزشتہ روز غریب آباد پر ہونے والے مظاہرے میں پولیس پر پتھراؤ کیا گیا تھا جس کی وجہ سے اے ایس آئی کے سر پر چوٹیں آئیں تھیں۔

Print Friendly, PDF & Email

Comments

comments

یہ بھی پڑھیں