The news is by your side.

Advertisement

مریم نواز کی دھمکیوں اور اے آر وائی نیوز کی بندش کیخلاف احتجاج

مسلم لیگ (ن) کی نائب صدر مریم نواز کی جانب سے اے آر وائی نیوز کو دھمکیوں اور چینل کی بندش کے خلاف گوجرانوالہ میں شدید احتجاج کیا گیا ہے۔

گوجرانولہ پریس کلب کے باہر صحافی برادری کی جانب سے احتجاجی ریلی  نکالی گئی جس میں وکلا، سول سوسائٹی کے نمائندوں اور دیگر نے شرکت کی۔

شرکا نے اے آر وائی نیوز کی بندش پر حکومت کے خلاف خوب نعرے  بازی کی۔

مزید پڑھیں: سینیٹ نے پیمرا سے ٹی وی چینلز کی پوزیشن پر تفصیلات طلب کرلیں

شرکا کا کہنا تھا کہ اے آر وائی نیوز کی بندش اور نمبروں میں چھیڑ چھاڑ کی بھر پور مذمت کرتے ہیں، مریم نواز کی طرف سے اے آر وائی نیوز کا مائیک ہٹوانے کی مذمت کرتے ہیں۔

ان کا کہنا تھا کہ اے آر وائی نیوز کی بڑھتی ویورشپ دلیل ہے کہ وہ حق کی آواز بلند کر رہا ہے، مریم  نواز کا امتیازی سلوک دلیل ہے کہ حکومت اے آر وائی نیوز سے خوفزدہ ہے۔

احتجاجی ریلی میں شریک سینئر وکیل اظہر بھٹہ نے کہا کہ وکلا برادری اے آر وائی نیوز کے ساتھ کھڑی ہے، حکومت سچ کی  آواز کو دبا نہیں سکتی۔

Comments

یہ بھی پڑھیں