نیویارک: دنیا کے سب سے بڑے ایوان کے سامنے نریندر مودی کا انتہا پسند چہرہ بے نقاب ہوگیا.
تفصیلات کے مطابق 80 لاکھ کشمیریوں کو یرغمال بنانے والے بھارتی وزیر اعظم کے خطاب کے دوران اقوام متحدہ ہیڈ کوارٹر کے سامنے ایک بڑا مظاہرہ کیا گیا.
کشمیروں کے حق میں کیے جانے والے اس مظاہرے میں زندگی کے مختلف شعبوں سے تعلق رکھنے والے افراد نے شرکت کی اور نریندر مودی کے غیر قانونی اقدام کے خلاف شدید احتجاج کیا.
جس وقت نریندر مودی کی جانب سے امن پر لیکچر دیا جارہا تھا، اقوام متحدہ کے دفتر کے باہر ہزاروں افراد کشمیر کی آزادی کے نعرے لگا رہے تھے.
مزید پڑھیں: اقوام متحدہ دو نیوکلیئر طاقتوں کے آمنے سامنے آنے سے پہلے اپنا کردار ادا کرے، وزیراعظم
مظاہرین میںپاکستانی، کشمیری اور سکھ کمیونٹی رہنما شامل تھے، جو امریکا کے مختلف شہروں سے نیویارک پہنچے.
ٹائمز اسکوائر سمیت کئی مقامات پرکشمیرکی آزادی کی الیکٹرانک اسکرین لگائی گئیں، فری کشمیر ٹرک کا نیویارک کی سڑکوں پر گشت کرتا رہا.
خیال رہے کہ آج وزیر اعظم عمران خان نے اقوام متحدہ کی جنرل اسمبلی میں تاریخ خطاب کرتے ہوئے بھارتی مظالم کا پردہ چاک کر دیا.
اے آر وائی نیوز کی ڈیجیٹل ڈیسک کی جانب سے شائع کی گئی خبریں