The news is by your side.

Advertisement

اورنگی:‌ پولیس کے خلاف احتجاج، ایڈیشنل آئی جی کا نوٹس ایس ایچ او معطل

کراچی: اورنگی ٹاؤن میں جرائم کی بڑھتی ہوئی وارداتوں کے خلاف علاقہ مکینوں نے تھانہ اقبال مارکیٹ کے ایس ایچ او کے خلاف احتجاجی مظاہرہ کیا، ایڈیشنل آئی جی نے نوٹس لیتے ہوئے ایس ایچ او کو فوری معطل کردیا۔

تفصیلات کے مطابق اورنگی ٹاؤن میں جرائم کی بڑھتی ہوئی وارداتوں کے خلاف علاقہ مکینوں نے احتجاج کیا اور جرائم پیشہ افراد کو پشت پناہی فراہم کرنے پر پولیس کے خلاف شدید نعرے بازی کی۔

اورنگی ٹاؤن کے سیکٹر 11 کے مکینوں نے احتجاج کے دوران سڑک پر ٹائر جلائے جس کے باعث ٹریفک کی آمد و رفت معطل ہوئی اور مظاہرین نے تھانہ اقبال مارکیٹ کا گھیراؤ بھی کیا۔ علاقہ مکینوں نے الزام عائد کیا کہ پولیس جرائم پیشہ افراد کو پشت پناہی فراہم کرتی ہے اس لیے اُن کے خلاف کوئی کارروائی نہیں کی جاتی۔

علاقہ مکینوں کو منتشر کرنے کے لیے پولیس نے لاٹھی چارج کیا اور شیلنگ بھی کی جس کے بعد عوام منتشر ہوگئے تاہم پولیس کے واپس جاتے ہی عوام نے دوبارہ تھانے کا گھیراو کیا اور شدید نعرے بازی کی۔

اے آر وائی پر خبر نشر ہونے کے بعد ایڈیشنل آئی جی نے نوٹس لیتے ہوئے تھانہ اقبال مارکیٹ کے ایس ایچ اور کو معطل کرنے کے احکامات جاری کیے، ترجمان سندھ پولیس کے مطابق علاقے میں جرائم کی بڑھتی ہوئی وارداتوں کے باعث ایس ایچ او کو معطل کیا گیا۔

Print Friendly, PDF & Email

Comments

comments

یہ بھی پڑھیں