The news is by your side.

Advertisement

امریکا میں فائرنگ کے واقعات، ٹرمپ کا متاثرہ شہروں کا دورہ، صدر کے خلاف نعرے بازی

واشنگٹن: امریکا کے مختلف شہروں میں حالیہ دنوں فائرنگ کے واقعات کے بعد صدر ٹرمپ نے متاثرہ شہروں کا دورہ کیا اس دوران انہیں شدید مخالفت کا سامنا کرنا پڑا۔

تفصیلات کے مطابق امریکی صدر ڈونلڈ ٹرمپ کی آمد پر آل پاسو اور ڈیٹن شہروں میں بڑے مظاہرے ہوئے اور ٹرمپ کے خلاف نعرے بازی کی گئی۔

اس موقع پر مظاہرین نے امریکی صدرڈونلڈ ٹرمپ سے واپس واشنگٹن جانے کا مطالبہ کیا، مظاہروں میں شہروں کے میئرز اور سینیٹرز نے بھی شرکت کی۔

مظاہرین نے نعرہ لگاتے ہوئے کہا کہ ’’صدر ٹرمپ کے ہاتھ خون میں رنگے ہیں‘‘۔ اس دوران امریکی صدر کو مزاحمت کا سامنا کرنا پڑا البتہ پولیس کی بھاری نفری تعینات رہی۔

مظاہرین کا کہنا تھا کہ ٹرمپ کے ایمیگریٹس کے خلاف اشتعال انگیزبیانات نفرت کی وجہ بنے۔ دوسری جانب صدر ٹرمپ نے بھی ڈیٹن اورآل پاسو کے منتخب نمائندوں پر شدید تنقید کی۔

امریکا: فائرنگ کے واقعات پر شہری حکومت پر برہم، گورنر کی تقریر کے دوران نعرے بازی

خیال رہے کہ امریکا میں حالیہ فائرنگ کے نتیجے میں درجنوں افراد کی ہلاکت پر شہری حکومت پر شدید برہم ہیں، گذشتہ روز وہایو کے گورنر مائیک ڈیوائن کے خطاب کے دوران خوب نعرے بازی کی تھی۔

یاد رہے کہ گذشتہ دنوں دو دن قبل دو امریکی ریاستوں ٹیکساس اور اوہایو میں فائرنگ کے واقعات ہوئے تھے جن میں تیس افراد ہلاک اور درجنوں افراد زخمی ہوگئے تھے۔

Comments

comments

یہ بھی پڑھیں