site
stats
پاکستان

کشمیر میں بھارتی جارحیت، اسلام آباد میں احتجاجی ریلی

اسلام آباد: مقبوضہ کشمیر میں بھارتی جارحیت کے خلاف کل جماعتی حریت کانفرنس کے تحت راولپنڈی تااسلام آباد ریلی نکالی گئی، مودی، راج ناتھ اور محبوبہ مفتی کے پتلے نذر آتش کیے گئے۔

راولپنڈی سے نیشنل پریس کلب اسلام آباد تک نکالی جانے والی ریلی کی قیادت آل پارٹیز حریت کانفرنس آزاد کشمیر چیپٹر کے کنوینر غلام محمد صفی نے کی۔

نیشنل پریس کلب کے باہر ریلی نے احتجاجی مظاہرے کی شکل اختیار کرلی۔ مظاہرے کے شرکا نے بھارت کے خلاف اور آزادی کے حق میں نعرے بازی کی۔

شرکا سے خطاب میں حریت قائدین نے بھارتی مظالم کی شدید مذمت کرتے ہوئے کہا کہ بھارتی فوج کی جانب سے پیلٹ گن کا استعمال انسانی حقوق کی خلاف ورزی اور جنگی جرائم میں شمار ہوتاہے، مظالم پر اقوام متحدہ اور عالمی برادری کی خاموشی مجرمانہ فعل ہے، عالمی ادارے دہرا معیار ترک کرتے ہوئے مظالم کا فوری نوٹس لیں۔

حریت قائدین کا کہنا تھا کہ پاکستانی قوم مشکل کی اس گھڑی میں کشمیری بھائیوں کے شانہ بشانہ کھڑی ہے۔

مظاہرے کے اختتام پر بھارتی وزیر اعظم نریندر مودی،راج ناتھ اور مقبوضہ کشمیر کی وزیر اعلی محبوبہ مفتی کے پتلے نذر آتش کیے گئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top