لندن: برطانوی شہر لندن میں مقبوضہ کشمیر میں بھارتی مظالم کے خلاف تاریخ ساز احتجاج جاری ہے.
تفصیلات کے مطابق آج لندن میں بھارتی ہائی کمیشن کے سامنے کشمیری عوام سے اظہار یکجہتی کے لیے بھرپور احتجاج کیا گیا.
مظاہرے میں کشمیری عوام کے ساتھ پاکستانیوں کی بڑی تعداد شریک ہے، دیگر مسلم ممالک سے تعلق رکھنے والے مظاہرین بھی ریلی میں موجود ہیں.
مظاہرین میں سکھ افراد کی بھی بڑی تعداد نے شرکت کی، ہندوبرادری اور دیگرمذاہب کے ماننے والے کشمیریوں سے اظہار یک جہتی کے لیے موجود ہیں۔
مظاہرین نے احتجاج کرتے ہوئے کہا کہ ہم بھارتی غیرقانونی اقدامات کی مذمت کرتے ہیں، چاہتے ہیں کہ کشمیریوں کوحق خودارایت دیا جائے، کشمیریوں کے ساتھ ہیں، کرفیو فوری طورپر ختم کیا جائے.
مزید پڑھیں: لندن میں اجتماع تاریخی ہوگا، وزیرخارجہ شاہ محمودقریشی
احتجاجی مظایرن کا کہنا تھا کہ ہم بھارت کا یوم آزادی آج یوم سیاہ کےطور پر منا رہے ہیں، بھارت اقوام متحدہ کی قراردادوں پرعمل کرے.
احتجاجی مظاہرین نے کشمیرکو آزادی دو کشمیر بنے گا پاکستان کے بینرز اٹھا رکھے ہیں. ریلی میں برطانیہ کے تعلیم یافتہ طبقے کی بڑی تعداد بھی شریک ہے، جس کی جانب سے نریندر مودی کے غاضبانہ اقدام کو شدید تنقید کا نشانہ بنایا جارہا ہے.