بیروت: لبنان کے دارالحکومت میں شروع ہونے والے مظاہرے شدت اختیار کرگئے، حکومت مخالف مظاہرین اور پولیس کے درمیان جھڑپیں بھی ہوئیں جس کے نتیجے میں چار سو سے زائد افراد زخمی ہوئے ہیں۔
بین الاقوامی میڈیا رپورٹ کے مطابق لبنان کے دارالحکومت بیروت میں جاری حکومت مخالف مظاہرے شدت اختیار کرگئے، مظاہرین اور لبنانی سیکیورٹی فورسز کے ساتھ جھڑپوں کے واقعات تیزی کے ساتھ رپورٹ ہورہے ہیں، کشیدہ صورتحال کی وجہ سے حکومت نے فوج کو طلب کرلیا۔
رپورٹ کے مطابق لبنان میں گذشتہ تین ماہ سے حکومتی پالیسیوں کے خلاف پرامن مظاہرے جاری تھے البتہ گزشتہ روز سیکیورٹی فورسز کے ایکشن کے بعد مظاہرین مشتعل ہوگئے اور انہوں نے سرکاری املاک کو نذر آتش کرنا شروع کردیا۔
Live from #Beirut – where electricity is cut from the whole Martyr square. Police is cracking down on protestors now. Numbers are still big. Teargas pouring like rain every 5 minutes. #lebanon #LebanonProtests pic.twitter.com/4XVbsd6rXB
— Luna Safwan – لونا صفوان (@LunaSafwan) January 18, 2020
مظاہرین کا پہلا مطالبہ تھاکہ سعدالحریری وزیراعظم کے عہدے سے مستعفیٰ ہوں، انہوں نے دسمبر میں استعفیٰ دے دیا تھا جس کے بعد مظاہرین نے موجودہ کابینہ کی برطرفی اور فوری طور پر نئی حکومت تشکیل دینے کا مطالبہ کردیا۔
ریڈکراس اور سول ڈیفنس کے اداروں نے میڈیا سے گفتگو کرتے ہوئے بتایا کہ جھڑپوں اور فائرنگ کے نتیجے میں 377 افراد زخمی ہوچکے ہیں البتہ ابھی یہ تعداد حتمی نہیں ہے۔
مزید پڑھیں: لبنانی مظاہرین کی فتح، وزیراعظم کا مستعفی ہونے کا اعلان
سعد الحریری نے لبنان کی حالیہ صورتحال پر بیان دیتے ہوئے کہا کہ ’مظاہروں کے طوفان کو پرامن کرنے کا ایک ہی طریقہ ہے کہ وقت ضائع کرنا بند کریں اور فوری طور پر حکومت بنا کر مسائل کو حل کریں کیونکہ اس وقت فوج اور مظاہرین آپس میں محاذ آرائی کررہے ہیں‘۔
الغاز المسيل للدموع أمام مجلس النواب#أخبار_الساحة #لبنان_ينتفض pic.twitter.com/5Y2TS5GZo2
— أخبار الساحة (@Akhbaralsaha) January 18, 2020
اتوار کو ہونے والے ہنگاموں کا آغاز اس وقت ہوا جب منہ پر کپڑے لپیٹے مظاہرین نے پارلیمنٹ کی طرف جانے والی سڑک پر کھڑے پولیس اہلکاروں پر پتھر، گملے اور دیگر اشیا پھینکیں، مشتعل مظاہرین نے خاردار تاریں ہٹا کر ایوان کی طرف جانے کی کوشش بھی کی، پولیس کے روکنے پر انہوں نے سرکاری املاک کو نقصان پہنچانا شروع کیا اور یہ سلسلہ مختلف شہروں تک پھیل گیا۔
[ ثورة في كل البلدان 🇵🇸❤.. ]
ويا فلسطين يا حلوتنا
حُرّيتك أولويّتنا
وتسقط تسقط إسرائيلغناء: شُبّان لبنانيّون خلال مظاهرات #لبنان_ينتفض pic.twitter.com/IjpPfQh5CE
— أغاني فلسطين (@PalestinianSong) January 18, 2020