ترک جرمن تعلقات میں کشیدگی، رجب طیب اردوگان اہم دورہ کریں گے: Turkey
The news is by your side.

Advertisement

ترک جرمن تعلقات میں کشیدگی کو ختم کرنے کیلئے رجب طیب ارودان کا اہم دورہ

انقرہ: ترکی اور جرمنی کے درمیان کشیدہ تعلقات کو ختم کرنے کے لیے ترک صدر رجب طیب اردوگان جرمنی کا اہم دورہ کریں گے۔

تفصیلات کے مطابق رجب طیب اردوگان کے دورہ جرمنی کے موقع پر جرمن چانسلر انجیلا مرکل سے ملاقات ہوگی، اس دوران دوطرفہ تعلقات سمیت دیگر اہم موضوعات زیر بحث آئیں گے۔

غیر ملکی خبر رساں ادارے کے مطابق ترک صدر نے واضح کیا ہے اس دورے میں دونوں ملکوں کے تعلقات کو مزید مضبوطی کی بات کی جائے گی، امید ہے دوطرفہ تناؤ ہمیشہ کے لیے ختم ہوجائے گا۔

اردوگان 27 ستمبر بروز جمعرات کو جرمنی پہنچیں گے، وہ جرمن صدر فرانک والٹر اشٹائن مائر کی دعوت پر جرمنی کا دورہ کر رہے ہیں۔

جرمنی میں وہ چانسلر انجیلا مرکل سمیت دیگر اعلیٰ عہدیداروں سے بھی ملیں گے، اس کے علاوہ ترک صدر مغربی جرمن شہر کولون میں ایک مسجد کا افتتاح بھی کریں گے۔

ترکی میں زیر حراست رہنے والی جرمن خاتون صحافی وطن واپس پہنچ گئیں

خیال رہے کہ 2016 میں ترکی میں ہونے والی ناکام فوجی بغاوت کے بعد سے برلن اور انقرہ کے تعلقات انتہائی کشیدہ ہیں، ترک حکومت نے دو جرمن شہریوں کو بھی ناکام فوج بغاوت میں ملوث ہونے کے شبہے میں گرفتار کرتے ہوئے سزائیں سنائی تھیں۔

بعد ازاں دونوں ملکوں کے مابین ایک دوسرے کے خلاف سخت بیانات کا تبادلہ بھی ہوا تھا، تاہم گزشتہ برس اکتوبر اور رواں برس فروری میں دونوں جرمن شہریوں کو رہا کر دیا گیا تھا۔

دوسری جانب انقرہ حکومت برلن پر یہ الزام بھی عائد کرتی ہے کہ اس نے کالعدم کردستان ورکرز پارٹی (پی کے کے) کو ملک میں کام کرنے کی اجازت دے رکھی ہے، جو ناکام فوجی بغاوت میں ملوث ہیں۔

Comments

comments

یہ بھی پڑھیں