تازہ ترین

کراچی : ڈاکوؤں نے وزیراعلیٰ سندھ کے پروٹوکول آفیسر کو بھی لوٹ لیا

کراچی : شہر قائد میں ڈاکو ایک بار پھر بے لگام ہوگئے، بڑھتی ہوئی وارداتوں کے باعث شہریوں میں بھی خوف و ہراس بڑھ رہا ہے۔

تفصیلات کے مطابق کراچی میں وزیراعلیٰ سندھ کے پروٹوکول آفیسر کو بھی ڈاکوؤں نے لوٹ لیا، کراچی کےعلاقے جوہرآباد تھانے کی حدود میں پروٹوکول آفیسر کو دیگر افراد سے ساتھ لوٹا گیا۔

ذرائع کے مطابق پروٹوکول آفیسر کے ساتھ کینیڈا سے آئے مہمان بھی لٹ گئے، لٹنے والے آفیسر مسرور وارثی وزیراعلیٰ سندھ مراد علی شاہ کے پروٹوکول آفیسر ہیں۔

پولیس کے مطابق دو موٹر سائیکلوں پر سوار 4 مسلح ڈاکوؤں نے گلی کے کونے پر لوٹ مار کی اور قریبی ہوٹل پر بیٹھے افراد سے بھی ڈاکوؤں نے موبائل فون چھین لیے۔

موقع واردات ڈاکو تقریباً 10سے12 افراد سے ان کے موبائل فون، نقدی اور قیمتی سامان چھین کر فرار ہونے میں کامیاب ہوگئے۔

مسرور وارثی نے پولیس کو بتایا کہ واقعہ جوہرآباد تھانے کی حدود میں پیش آیا، جہاں واقعے کی رپورٹ درج کرادی گئی ہے۔ پولیس حکام کا کہنا ہے کہ ملزمان کی گرفتاری کیلئے اقدامات کا آغاز کردیا گیا ہے۔

Comments

- Advertisement -