The news is by your side.

Advertisement

نہتے کشمیریوں کو خوراک اور ادویات کی فراہمی ممکن ہو نی چاہیے،شاہ محمود قریشی

اسلام آباد: وزیر خارجہ شاہ محمود قریشی کا کہنا ہے کہ نہتے کشمیریوں کو خوراک اور ادویات کی فراہمی ممکن ہو نی چاہیے۔

تفصیلات کے مطابق وزیر خارجہ شاہ محمود قریشی نے انڈونیشیا کی وزیرخارجہ رتنو مارسودی سے رابطہ کیا۔ دونوں وزرائے خارجہ نے کرونا چیلنج سے نبرد آزما ہونے سے متعلق تبادلہ خیال کیا۔

وزیر خارجہ نے عالمی وبا کے باعث انڈونیشیا میں جانی نقصان پر اظہار افسوس کرتے ہوئے وبا کے پھیلاؤ روکنے کے لیے انڈونیشیا کے بروقت اقدامات کو سراہا۔ شاہ محمود قریشی نےانڈونیشیا کی وزیر خارجہ کو مقبوضہ کشمیر کی صورتحال سے آگاہ کیا۔

وزیر خارجہ کا کہنا تھا کہ بھارت نے مقبوضہ کشمیر میں 80 لاکھ بے گناہ افراد کو محصور بنا رکھا ہے، بلا جواز محاصرے کے خاتمے کے لیے بھارت پر زور دیا جائے، نہتے کشمیریوں کو خوراک اور ادویات کی فراہمی ممکن ہو نی چاہیے۔

دوسری جانب انڈونیشین وزیرخارجہ رتنو مارسودی نے پاکستان میں زیر تعلیم انڈونیشین طلبا کا خیال رکھنے پر شکریہ ادا کیا۔

وزیر خارجہ کا دبئی سے پاکستانیوں کی بروقت واپسی پر یو اے ای کا شکریہ

یاد رہے کہ گزشتہ روز وزیرخارجہ شاہ محمود قریشی نے دبئی ایئرپورٹ سے پاکستانیوں کی بروقت واپسی پر یو اے ای کا شکریہ ادا کرتے ہوئے کرونا کا پھیلاؤ روکنے کے لیے اماراتی حکام کے اقدامات کو سراہا۔

Comments

یہ بھی پڑھیں