The news is by your side.

Advertisement

آخری دہشت گرد کے خاتمے تک دہشت گردی کے خلاف جنگ جاری رہے گی، یاسمین راشد

لاہور: صوبائی وزیر صحت پنجاب ڈاکٹر یاسمین راشد نے کہا ہے کہ دہشت گردوں کی جانب سے کوئٹہ بم دھماکہ پرامن فضا کے تسلسل کو روکنے کی کوشش ہے۔

تفصیلات کے مطابق صوبائی وزیر صحت پنجاب ڈاکٹر یاسمین راشد نے کوئٹہ کے نواحی علاقے کچلاک کی مسجد میں بم دھماکہ کی شدید مذمت کی ہے اور قیمتی انسانی جانوں کے ضیاع پر گہرے دکھ اور رنج کا اظہار کیا ہے۔

صوبائی وزیر نے کہا کہ وہ دھماکے میں زخمی ہونے والے افراد کی جلد صحت یابی کے لئے دعا گو ہیں، دہشت گردوں کی جانب سے کوئٹہ بم دھماکہ پرامن فضا کے تسلسل کو روکنے کی کوشش ہے۔

ان کا کہنا تھا کہ دہشت گرد اپنی بزدلانہ کارروائیوں کے ذریعے قوم کے بلند حوصلے پست نہیں کر سکتے۔

کوئٹہ: مدرسے میں نماز جمعہ کے دوران دھماکہ، 7 افراد جاں بحق

ڈاکٹر یاسمین راشد نے مزید کہا کہ تحریک انصاف کے اقتدار میں آنے کے بعد ملک میں امن کی فضا قائم ہے، وزیراعظم عمران خان نے پوری دنیا میں پاکستان کا دہشت گردی کے خلاف جنگ میں کردار کو اجاگر کیا ہے، آخری دہشت گرد کے خاتمے تک دہشت گردی کے خلاف جنگ جاری رہے گی۔

یاد رہے کہ گذشتہ روز صوبہ بلوچستان کے دارالحکومت کوئٹہ میں مدرسے میں نماز جمعہ کے دوران دھماکہ ہوا جس میں 7 افراد جاں بحق جبکہ 22 زخمی ہوگئے۔

Comments

comments

یہ بھی پڑھیں