The news is by your side.

Advertisement

صوبائی وزیر علیم خان کوخوراک کا محکمہ دے دیا گیا، نوٹیفکیشن جاری

لاہور : صوبائی وزیر علیم خان کو خوراک کا محکمہ دے دیا گیا، علیم خان نے گذشتہ روز دوبارہ صوبائی وزیر کی حیثیت سے اٹھایا تھا‌۔

تفصیلات کے مطابق صوبائی وزیر علیم خان کو وزارت خوراک کا قلمدان سونپ دیا گیا اور اس حوالے سے نوٹیفکیشن بھی جاری کردیا گیا۔

گذشتہ روز لاہور میں گورنر ہاؤس میں عبدالعلیم خان کی تقریب حلف برداری ہوئی، جس میں گورنر پنجاب چوہدری محمد سرور اور وزیراعلیٰ پنجاب عثمان بزدار سمیت دیگر افراد نے شرکت کی تھی ۔

گورنر ہاؤس میں ہونے والی تقریب میں عبدالعلیم خان نے صوبائی وزیر کا حلف اٹھالیا، گورنر پنجاب چوہدری محمد سرور نے عبدالعلیم خان سے حلف لیا۔

یاد رہے کہ گزشتہ سال 6 فروری کو نیب لاہور نے آمدن سے زائد اثاثہ جات اور آف شور کمپنیوں کیس میں پنجاب کے سینئر وزیر عبد العلیم خان کو گرفتار کیا تھا۔

نیب کی جانب سے گرفتاری کے بعد عبدالعلیم خان نے اپنا استعفی وزیراعلیٰ پنجاب کو بھجوا دیا تھا، علیم خان کا کہنا تھا کہ مقدمات کا سامنا کریں گے، آئین اور عدالتوں پر یقین رکھتے ہیں، مجھ پر آمدن سے زائد اثاثوں کا نہیں، آف شور کمپنیوں کا مقدمہ ہے۔

Comments

یہ بھی پڑھیں